Sid Kiara wedding video: বৰমালা পিন্ধোৱাৰ পিছত সিদ্ধাৰ্থ-কিয়াৰাৰ ৰোমাণ্টিক মুহূৰ্তৰ ভিডিঅ’ চাওক

নৱদম্পতি সিদ্ধাৰ্থ মালহোত্ৰা আৰু কিয়াৰা আদৱানীয়ে তেওঁলোকৰ অনুৰাগীসকলৰ সৈতে তেওঁলোকৰ বিবাহ অনুষ্ঠানৰ পৰা এটা আকৰ্ষণীয় ভিডিঅ' শ্বেয়াৰ কৰিছে (Kiara Advani instagram) । ভিডিঅ'টোত, সিদ আৰু কিয়াৰাক বৰমালা বিনিময় কৰাৰ পিছত চুম্বন কৰা দেখা গৈছে ।

চিটাৰা ডেস্ক, 10 ফেব্ৰুৱাৰী : আজি সামাজিক মাধ্যমত সিদ্ধাৰ্থ-কিয়াৰা বিয়াৰ ভিডিঅ’ ভাইৰেল হৈ পৰিছে ৷ বিয়াৰ দিনাৰ ফটোৰ পিচত অনুৰাগীসকল অধীৰ আগ্ৰহেৰে ৰৈ আছে বিয়াৰ বিভিন্ন অনুষ্ঠানৰ ফটো আৰু ভিডিঅ’ চাবলৈ ৷ কিয়াৰাই আজি অনুৰাগীৰ সেই হেঁপাহৰ কিছু অংশ পূৰণ কৰিলে বিয়াৰ বৰমালা অনুষ্ঠানৰ এটা ভিডিঅ’ শ্বেয়াৰ কৰি (Kiara Advani Sidharth Malhotra wedding video) ৷ ভিডিঅ’টো দেখি অনুৰাগীসকল আনন্দত আত্মহাৰা হৈ পৰিছে ৷

ইনষ্টাগ্ৰামত কিয়াৰাই সিদ্ধাৰ্থক টেগ কৰি তেওঁলোকৰ বিয়াৰ এটা সুন্দৰ ভিডিঅ' শ্বেয়াৰ কৰি (Kiara Advani instagram) কেপছনত লিখিছে, "7.02.2023 🙏🏼❤️♾️" ৷ ভিডিঅ’টোৰ আৰম্ভণিতে দেখা গৈছে কইনাৰ ৰূপত কিয়াৰাৰ প্ৰৱেশ আৰু মঞ্চত কইনাৰ বাবে অপেক্ষাৰত অৱস্থাত সিদ্ধাৰ্থ মালহোত্ৰা । কইনাৰ বাবে ৰৈ ৰৈ সময় গণি থকা মুহূৰ্তটো ভিডিঅ’টোৰ এটা অন্যতম মৰমলগা মুহূৰ্ত ৷

ভিডিঅ’টো আগবাঢ়ি গৈ থকাৰ লগে লগে সিদ-কিয়াৰা অভিনীত হিট ছবি শ্বেৰশ্বাহৰ চুপাৰহিট গীত Ranjha ৰ আত্মাস্পৰ্শী পৰিবেশনে সমগ্ৰ পৰিৱেশটোক মতলীয়া কৰি তোলে (Kiara Advani Sidharth Malhotra varmala video) । Ranjha ৰ পৰিৱৰ্তিত সংস্কৰণটো সিদ্ধাৰ্থ আৰু কিয়াৰাৰ সুখী প্ৰেম কাহিনীৰ সৈতে অভিযোজিত কৰা হৈছে য'ত "মেৰা ডোলা ভে আয়া ডোলা" বুলি গোৱা হৈছে য’ত নেকি মূল গীতটো 'ৱে মেৰা দোলা নি আয়া ডোলা' বুলিহে গোৱা হয় ।

বৰমালা পিন্ধোৱাৰ সময়ত অতিথিসকলে দুয়োৰে বাবে উল্লাস কৰে ৷ তাৰ পিচত নৱ-দম্পতীয়ে অন্তৰংগ চুমা ভাগ কৰি আনন্দেৰে সকলোকে সম্ভাষণ জনায় ৷ উৎফুল্লিত অৱস্থাত দুয়োৱে একেলগে প’জ দিয়াও দেখা যায় । ভিডিঅ’টোৰ শেষত দুয়োজনে হাতযোৰ কৰি ইজনে সিজনৰ চকুত হেৰাই যোৱা দেখা গৈছে । মনীষ মালহোত্ৰাই ডিজাইন কৰা ষ্টাইলিছ আউটফিট পৰিধান কৰি সিদ্ধাৰ্থ আৰু কিয়াৰাই তেওঁলোকৰ জীৱনৰ ডাঙৰ দিনটোত মনোমোহা বিকিৰণ কৰিছিল ।

তিনিদিনীয়াকৈ অনুষ্ঠিত হয় এই বিবাহ ৷ ৰাজস্থানৰ জয়সালমেৰৰ সূৰ্যগড় পেলেচ হোটেলত বিবাহপাশত আবদ্ধ হয় প্ৰেমিকযুগল । যোৱা 7 ফেব্ৰুৱাৰীত অনুষ্ঠিত হোৱা বিয়াখনত শ্বাহিদ কাপুৰ আৰু তেওঁৰ পত্নী মীৰা কাপুৰ, কৰণ জোহৰ, জুহি চাওলা আদিয়ে অংশগ্ৰহণ কৰে । বিয়াৰ পিছত বুধবাৰে বিমানেৰে দিল্লীলৈ যাত্ৰা কৰে নৱ-দম্পতীয়ে । সিদ আৰু কিয়াৰাই তেওঁলোকৰ উদ্যোগৰ বন্ধুসকলৰ বাবে মুম্বাইত এক অভ্যৰ্থনা অনুষ্ঠান আয়োজন কৰা বুলি কোৱা হৈছে যদিও দুয়োজনে এতিয়ালৈকে একো নিশ্চিত কৰা নাই ।

লগতে পঢ়ক :Kiara sidharth latest photo: ৰঙা পোছাকত দিল্লী বিমানবন্দৰত দেখা গ’ল নৱদম্পতী সিদ্ধাৰ্থ কিয়াৰাক