চিটাৰা ডেস্ক, ৬ ডিচেম্বৰ:যোৱা কেইমাহৰ পৰা বলীউডৰ ছুপাৰষ্টাৰ ছানী দেওল তেওঁৰ ছবি ‘গদৰ ২’ৰ সফলতাক লৈ বাতৰিৰ শিৰোনাম দখল কৰি আহিছে । এতিয়া আকৌ এবাৰ বাতৰিৰ শিৰোনাম দখল কৰিছে অভিনেতাগৰাকীয়ে ৷ দৰাচলতে শেহতীয়াকৈ ছ’চিয়েল মিডিয়াত প্ৰকাশ পাইছে অভিনেতাগৰাকীৰ এটা ভিডিঅ’। ভিডিঅ’টোত ছানীক মদ্যপান কৰি মুম্বাইৰ ৰাজপথত ঘূৰি ফুৰা দেখা গৈছে । এই ভিডিঅ’টোৰ আঁৰৰ সত্যতা জানো আহক . . .
ৰাজপথত সুৰাৰ ৰাগিত মাতাল ছানী দেওল
আচলতে অভিনেতাজনৰ এই ভিডিঅ’টো তেওঁৰ এটা ফেন পেজে শ্বেয়াৰ কৰিছিল । য’ত অফ হোৱাইট ৰঙৰ চাৰ্ট পৰিহিত ছানি দেওলক মদ্যপান কৰা অৱস্থাত দেখা গৈছে । ভিডিঅ’টোত অভিনেতাগৰাকীয়ে মুম্বাইৰ ৰাজপথত ঘূৰি ফুৰা দেখা গৈছে । ঠিক তেতিয়াই অভিনেতাজনক দেখি এজন অটো চালক তেওঁৰ ওচৰলৈ আহি অভিনেতাজনৰ হাতত ধৰি ৰিক্সাত বহুৱাবলৈ চেষ্টা কৰে । ছানী দেওলৰ এই ভিডিঅ’টো অতি দ্ৰুতগতিত ভাইৰেল হৈ পৰে ছ’চিয়েল মিডিয়াত ৷ যাৰ বাবে অনুৰাগীয়ে ভাবিছে যে অভিনেতাজনে মদ্যপান কৰি ৰাজপথত ঘূৰি ফুৰিছে ।