চিটাৰা ডেস্ক, 25 এপ্ৰিল: বলীউডৰ ৰজা বুলি কোৱা হয় শ্বাহৰুখ খানক (Shah Rukh Khan) । নিজৰ উৎকৃষ্ট অভিনয়ৰ বাবেই অভিনেতাগৰাকীয়ে লাখ লাখ লোকৰ হৃদয় জয় কৰিবলৈ সক্ষম হৈছে । একে সময়তে এতিয়া কিং খানৰ সন্তানসকলেও পিতৃৰ দৰে নিজৰ পৰিচয় গঢ়াৰ পথত আগবাঢ়িছে । শ্বাহৰুখৰ কন্য়া সুহানা খানে তেওঁৰ দৰে অভিনয়ৰ পথ বাছি লৈছে ৷ ইয়াৰ বিপৰীতে পুত্ৰ আৰিয়ান খানৰ সপোন আকৌ বেলেগ (Suhana Khan) ।
কিছুদিন পূৰ্বে আৰিয়ান খানে এখন চিত্ৰনাট্যৰ সৈতে এখন ফটো শ্বেয়াৰ কৰিছিল (Aryan Khan)। ইয়াৰ পৰাই স্পষ্ট হৈ পৰে যে আৰিয়ান অভিনয়ৰ জগতখনৰ পৰা আঁতৰি পৰিচালক হিচাপে নিজৰ যাত্ৰা আৰম্ভ কৰিবলৈ ওলাইছে । ইয়াৰ উপৰিও মাতৃ গৌৰী খানক অনুসৰণ কৰি আৰিয়ানেও ব্যৱসায়ৰ প্ৰতি গুৰুত্ব দিছে (Gauri Khan) ।
আৰিয়ানে D’Yavol নামেৰে নিজাকৈ কাপোৰৰ ব্ৰেণ্ড আৰম্ভ কৰিছে । কিন্তু ইয়াৰ বিশেষ কথাটো হ’ল যে আৰিয়ান খানে নিজৰ ব্ৰেণ্ডৰ প্ৰচাৰৰ বাবে পিতৃ শ্বাহৰুখ খানক মুখ হিচাপে বাছি লৈছে (Aryan Khan directing Shah Rukh Khan) । শেহতীয়াকৈ কিং খানে আৰিয়ান খানৰ ব্ৰেণ্ডৰ প্ৰচাৰৰ বাবে নিজৰ ইনষ্ট্ৰাগ্ৰাম একাউন্টত এটা সৰু টিজাৰ শ্বেয়াৰ কৰিছে । কেই ছেকেণ্ডৰ এই টিজাৰটোত কিং খানে ব্লেকবৰ্ডৰ পৰা ‘টাইমলেছ’ শব্দটো মচি পেলোৱা দেখা গৈছে (Shah Rukh Khan in Aryan Khan ad) ।