VNRTrio: আহি আছে নিতিনৰ সৈতে ৰশ্মিকা মান্দানাৰ নতুন তেলুগু ছবি

নিতিনৰ সৈতে আহি আছে ৰশ্মিকা মান্দানাৰ আগন্তুক ছবি (VNRTrio) ৷ ছবিখন হায়দৰাবাদত এক গ্ৰেণ্ড পূজা অনুষ্ঠানৰ জৰিয়তে মুকলি কৰা হয় । ভিএনআৰটিৰিঅ’ৰ মুকলিৰ সময়ত উপস্থিত থাকে মেগাষ্টাৰ চিৰঞ্জীৱী ৷

চিটাৰা ডেস্ক, 24 মাৰ্চ: শুকুৰবাৰে হায়দৰাবাদত মুকলি হ’ল নিতিনৰ সৈতে ৰশ্মিকা মান্দানাৰ আগন্তুক তেলেগু ছবি । ভিএনআৰটিৰিঅ’ শীৰ্ষক এই ছবিখন মেগাষ্টাৰ চিৰঞ্জীৱী, চলচ্চিত্ৰ নিৰ্মাতা হনু ৰাঘৱপুৰী, গোপিচণ্ড মালিনেনী, ববি আদিৰ উপস্থিতিত উন্মোচন কৰা হয় । অৱশ্যে আংশিকভাৱেহে ছবিখনৰ শিৰোনাম "VNRTrio" দিয়া হয় ৷ এই ছবিখনৰ জৰিয়তে নিথিন আৰু চলচ্চিত্ৰ নিৰ্মাতা ভেংকি কুডুমুলাৰ সৈতে দ্বিতীয়বাৰৰ বাবে সহযোগিতা কৰিছে ৰশ্মিকাই (Rashmika Mandanna) ।

VNRTrio ছবিখনৰ মুকলিৰ বাবে ৰশ্মিকাই ৰাণী গোলাপী ৰঙৰ ছালৱাৰ চুট পৰিধান কৰা দেখা গৈছিল । অভিনেত্ৰীগৰাকীয়ে ছ’চিয়েল মিডিয়াত ভিএনআৰটিৰিঅ’ মুকলিৰ তিনিখন ছবি শ্বেয়াৰ কৰে । ছবিসমূহ শ্বেয়াৰ কৰি ৰশ্মিকাই প্ৰকাশ কৰে যে পূজা অনুষ্ঠানৰ দ্বাৰা ছবিখন উন্মোচন কৰা হয় । VNRTrio মুকলি অনুষ্ঠানত বহু চেলিব্ৰিটি উপস্থিতি থকাৰ লগতে চিৰঞ্জীৱী মুখ্য অতিথি ৰূপে উপস্থিত থাকে ৷ ৰশ্মিকা আৰু নিথিনৰ ছবিখনৰ বাবে প্ৰথমে হাত চাপৰি বজোৱা পৰিলক্ষিত হয় মেগাষ্টাৰগৰাকীয়ে (Rashmika Mandannas upcoming film) ।

ছবিখনৰ বিষয়ে বৰ বিশেষ কথা প্ৰকাশ নকৰাকৈয়ে ৰশ্মিকাই আগন্তুক ছবিখন এক উন্মাদ আৰু সুন্দৰ যাত্ৰা হ’ব বুলিও ইংগিত দিয়ে । মিথ্ৰি মুভি মেকাৰছৰ বেংকৰোলত নিৰ্মিত এই ছবিখন দৰ্শকক যথেষ্ট আনন্দ দিব বুলি কোৱা হৈছে ৷ এটা হাস্যৰসময়ী ভিডিঅ’ৰ জৰিয়তে মেকাৰসকলে VNRTrio ঘোষণা কৰে ৷ য’ত মুখ্য অভিনেতাসকলে কৌতুক কৰা দেখা যায় ৷ ভিডিঅ’টোত ৰশ্মিকাৰ ‘নেশ্যনেল ক্ৰাছ’ টেগৰ পৰা আৰম্ভ কৰি নিথিনৰ বিতৰ্ক আৰু ফ্লপলৈকে সকলো হাস্যৰসময়ী কৌতুক কৰা দেখা যায় (Megastar Chiranjeevi graced VNRTrio) ৷

উল্লেখ্য যে ভিএনআৰটিঅ’ৰ নিৰ্মাতাসকলে ছবিখনৰ সন্দৰ্ভত সবিশেষ তথ্য লুকুৱাই ৰাখিছে । ছবিখনক কেন্দ্ৰ কৰি কৌতুহল অক্ষত ৰাখি ভেংকিয়ে পূৰ্বে কৈছিল যে ৰশ্মিকা আৰু নিতিনৰ সৈতে তেওঁৰ আগন্তুক ছবিখন তেওঁ পূৰ্বে পৰিচালনা কৰা চালো আৰু ভীষ্মতকৈ সম্পূৰ্ণ পৃথক হ’ব (VNRTrio Rashmika Mandannas film with Nithin) ।

লগতে পঢ়ক:3 idiots sequel: ৩ ইডিয়টছ ২ক লৈ ক্ষোভ প্ৰকাশ কৰিলে কৰীণা কাপুৰে