চিটাৰা ডেস্ক, 5 এপ্ৰিল: বৰষুণৰ বতৰৰ মাজতো শিলিগুৰিৰ কাঞ্চনজংঘা ষ্টেডিয়ামত অৰিজিৎ সিঙৰ লাইভ অনুষ্ঠান চাবলৈ হাজাৰ হাজাৰ সংগীতপ্ৰেমী আৰু অনুৰাগী উপস্থিত হয় । ইফালে কিংবদন্তি কণ্ঠশিল্পীগৰাকীয়ে বৰষুণৰ বতৰকো নেওচি মঞ্চত পৰিৱেশন কৰে সংগীত ৷ অনুৰাগীসকলে প্ৰায়ে অৰিজিৎ সিঙৰ লাইভ সংগীত অনুষ্ঠান উপভোগ কৰিবলৈ ভিৰ কৰা দেখা যায় সংগীতানুষ্ঠানত আৰু কাঞ্চনজংঘা ষ্টেডিয়ামত অনুষ্ঠিত সংগীতানুষ্ঠানটো ইয়াৰ ব্যতিক্ৰম নহয় ৷ অন্যন্যা সংগীতানুষ্ঠানৰ দৰে কাঞ্চনজংঘা ষ্টেডিয়ামত অৰিজিৎ সিঙৰ লাইভ অনুষ্ঠান চাবলৈ ভিৰ কৰে হাজাৰ হাজৰ অনুৰাগীয়ে (Arijit singh continues singing in rain) ৷
সুপৰিচিত প্লে’ বেক কণ্ঠশিল্পীগৰাকীয়ে নিজৰ আত্মাস্পৰ্শী গীতেৰে স্মৰণীয় কৰি তোলে এই সংগীতানুষ্ঠানটো ৷ কেৱল ইমানেই নহয়, অনুৰাগীৰ সৈতেও মত বিনিময় কৰে কণ্ঠশিল্পীগৰাকীয়ে । বৰষুণৰ মাজতো মঞ্চত অৰিজিতে ইটোৰ পিছত সিটোকৈ হিট গীত পৰিবেশন কৰে (Singer arijit singh) ৷ বৰষুণৰ মাজত কণ্ঠশিল্পীগৰাকীয়ে গীত পৰিৱেশন কৰি দৰ্শকক মোহিত কৰা এটা ভিডিঅ’ দ্ৰুতগতিত ভাইৰেল হৈ পৰে ৷ এই ভিডিঅ’টো ছ’চিয়েল মিডিয়াত ভাইৰেল হোৱাৰ পিচতে কিংবদন্তি কণ্ঠশিল্পীগৰাকীৰ গীত গোৱাৰ প্ৰতি থকা প্ৰেম আৰু অনুৰাগীৰ প্ৰতি থকা মৰমক শলাগ লয় নেটিজেনে (Arijit singh in siliguri for concert)।