চিটাৰা ডেস্ক, 13 মাৰ্চ: ৯৫ সংখ্যক একাডেমী বঁটাৰ অন্যতম উপস্থাপক আছিল বলীউডৰ ডিভা দীপিকা পাডুকন । 2023 বৰ্ষৰ অস্কাৰত ব্লকবাষ্টাৰ ছবি আৰ আৰ আৰৰ গীত নাটু নাটুৰ পৰিচয় দিওঁতে পাডুকনক গৌৰৱান্বিত হোৱা দেখা যায় ৷ এম এম কীৰাৱনীৰ নাটু নাটু সংগীতে শ্ৰেষ্ঠ মৌলিক বঁটা লাভ কৰাৰ সময়ত দীপিকাৰ অনুভৱ আছিল অতুলনীয় (Deepika Padukone at Oscar 2023)।
শেহতীয়াকৈ অস্কাৰ ২০২৩ ৰ এটা ভিডিঅ’ অতি দ্ৰুতগতিত ভাইৰেল হোৱা দেখা যায় ৷ ভাইৰেল ভিডিঅ’টোত দীপিকাই চকুলো টুকা দেখিবলৈ পোৱা গৈছে । ৯৫ সংখ্যক অস্কাৰত এম এম কীৰাৱনীয়ে বঁটা গ্ৰহণৰ সময়ত দিয়া ভাষণ শুনি আৱেগিক হৈ পৰে অভিনেত্ৰীগৰাকী (Naatu Naatu wins Oscar for Best Original Song) ৷ কাৰণ এম এম কীৰাৱনী গীতিকাৰ চন্দ্ৰবোছেৰ সৈতে নাটু নাটুৰ গীতটিৰ বাবে অস্কাৰ লাভ কৰে (Deepika Padukone gets teary) ।
কীৰাৱনীয়ে কাৰ্পেণ্টাৰছৰ টপ অৱ দ্য ৱৰ্ল্ডৰ নিজৰ সংস্কৰণটো গাবলৈ আৰম্ভ কৰাৰ লগে লগে আৱেগিক হৈ পৰে দীপিকা ৷ চকুলো বৈ আহে দীপিকাৰ ৷ কিন্তু ক’ব লাগিব যে এয়া কোনো দুখৰ চকুলো নহয়, বৰংস্ব এয়া আছিল সুখ, প্ৰাপ্তি আৰু গৌৰৱৰ চকুলো হে ৷ ৯৫ সংখ্যক একাডেমী বঁটাৰ দীপিকাৰ এই ভাইৰেল ভিডিঅ’টো আটাইতকৈ মৰমলগা দৃশ্য।