হাস্পতালত ভৰ্তি জনপ্ৰিয় হিন্দী ছবি আই (I) ৰ নায়কজন

তামিল অভিনেতা বিক্ৰম চিয়ানৰ অনুৰাগী সকলৰ বাবে দুঃখবৰ ৷ তামিল চুপাৰষ্টাৰ অভিনেতা বিক্ৰম চিয়ানক হৃদৰোগত আক্ৰান্ত হোৱাৰ বাবে চেন্নাইৰ এখন চিকিৎসালয়ত ভৰ্তি কৰোৱা হৈছে (Vikram Chiyaan latest updates) ।

চিটাৰা ডেস্ক, 8 জুলাই :তামিল অভিনেতা বিক্ৰম চিয়ানৰ অনুৰাগী সকলৰ বাবে দুঃখবৰ ৷ হৃদৰোগত আক্ৰান্ত হৈছে অভিনেতাজন ৷ ততাতৈয়াকৈ তেওঁক চেন্নাইৰ এখন চিকিৎসালয়ত ভৰ্তি কৰোৱা হৈছে (Vikram Chiyaan latest updates) ৷ ৫৬ বছৰীয়া বিক্ৰম চিয়ান ৮ জুলাইত তেওঁৰ মুক্তি পাবলগীয়া পিৰিয়ড ছবি 'পন্নিয়িন চেলভান পাৰ্ট ১'ৰ ট্ৰেইলাৰ মুকলি অনুষ্ঠানত উপস্থিত থকাৰ কথা আছিল (Vikram Chiyaan upcoming movies) ।

অলপতে মণি ৰত্ন পৰিচালিত 'পন্নিয়িন চেলভান পাৰ্ট 1'ৰ অভিনেতাজনৰ নতুন পোষ্টাৰ মুকলি কৰা হৈছিল । চলচ্চিত্ৰখনে এই বছৰতেই মুক্তি লাভ কৰিব । 'পন্নিয়িন চেলভান পাৰ্ট ১' ছবিখনত বিক্ৰমৰ উপৰিও জয়ম ৰবি, কাৰ্তি তৃষা, শৰৎ কুমাৰ, প্ৰকাশ ৰাজ, শোভিতা ধুলিপালা, বিক্ৰম প্ৰভু আৰু ঐশ্বৰ্য ৰায় বচ্চনে মুখ্য চৰিত্ৰত অভিনয় কৰিছে ।

ছবিখনৰ দৃশ্যগ্ৰহণ হায়দৰাবাদ আৰু মধ্য প্ৰদেশকে ধৰি দেশৰ বিভিন্ন ৰাজ্যত কৰা হৈছে । মণি ৰত্নমে দীৰ্ঘসময় ধৰি এই ছবিখন নিৰ্মাণৰ কাম কৰি আছে । ছবিখন এই বছৰৰ ৩০ ছেপ্টেম্বৰত বিশ্বজুৰি মুক্তি পাব ।

বিক্ৰমক চিয়ান বিক্ৰম বুলিও জনা যায় । তেওঁৰ প্ৰকৃত নাম কেনেডি জন ভিক্টৰ । তেওঁ বহুতো তামিল, তেলেগু আৰু মালায়ালম চলচ্চিত্ৰত অভিনয় কৰিছে । বিক্ৰমে ৰাষ্ট্ৰীয় বঁটা, তামিলনাডু ৰাজ্যিক চলচ্চিত্ৰ বঁটাকে ধৰি সাতটা ফিল্মফেয়াৰ বঁটা লাভ কৰিছে (Vikram Chiyaan news) ।