চিটাৰা ডেস্ক, 14 ফেব্ৰুৱাৰী : মিল্কি বিউটি ফেমৰ অভিনেত্ৰী তামান্না ভাটিয়া আকৌ এবাৰ লাইমলাইটলৈ আহিছে । আজি ১৪ ফেব্ৰুৱাৰীত (Valentines Day 2023) ভেলেণ্টাইন দিৱসত অভিনেত্ৰীগৰাকী লাইমলাইটলৈ অহাটো স্বাভাৱিক (Tamannaah Bhatia Valentine Day) । কাৰণ অভিনেত্ৰীগৰাকীয়ে বলীউডৰ অভিনেতা বিজয় বৰ্মাৰ লগত ডেট কৰি থকা বুলি জানিব পৰা গৈছে । 2023 চনৰ নৱবৰ্ষৰ পাৰ্টীত বিজয়-তামান্নাৰ চুমা খোৱাৰ এটা ভিডিঅ’ ভাইৰেল হৈছিল ৷ তাৰ পিচতেই এই কথা পোহৰলৈ আহিছে । প্ৰেমিক যুগলটোৱে এতিয়াও তেওঁলোকৰ সম্পৰ্কৰ বিষয়ে একো মন্তব্য দিয়া নাই । কিন্তু আজি যেন বিজয় বৰ্মাই অভিনেত্ৰী তামান্নাৰ সৈতে সম্পৰ্কৰ কথা প্ৰচাৰ কৰাৰ মুডত আছে । আচলতে অভিনেতা গৰাকীয়ে ছ’চিয়েল মিডিয়াত কিছু ছবি শ্বেয়াৰ কৰিছে, যিয়ে এই সম্পৰ্কৰ ইংগিত দিছে ।
বিজয়-তামান্নাৰ প্ৰেম
ভেলেণ্টাইন দিৱস উপলক্ষে, য'ত চেলেব্ৰিটীসকলে মুকলিকৈ তেওঁলোকৰ প্ৰেম প্ৰকাশ কৰিছে, তাৰ বিপৰীতে নিঃশব্দে ডেটিং কৰি থকা প্ৰেমিকযুগলে এনে কৰিবলৈ সাহস গোটাব পৰা নাই, কিন্তু বিজয় বৰ্মাই প্ৰেমৰ অনুভূতিৰ সৈতে ভেলেণ্টাইন দিৱসত বিশেষ পোষ্ট এটা শ্বেয়াৰ কৰিছে (Vijay Varma instagram) । এই পোষ্টটোত আছে, এফালে বিজয়ৰ ভৰি আৰু আনফালে তামান্নাৰ ভৰি আৰু এই দুয়োজনৰ ভৰিৰ মাজত আছে ৰঙা হৃদয়ৰ ইম’জী । এতিয়া এই পোষ্টটো চাই, সকলোৱে অনুমান কৰিছে যে তেওঁ নিজৰ প্ৰেমৰ সম্পৰ্ক ৰাজহুৱা কৰিছে ।