চিটাৰা ডেস্ক, 8 জুন: প্ৰায়ে নিজৰ অদ্ভুত ফেশ্বন চেন্সৰ বাবে সংবাদ মাধ্যমত চৰ্চাত থাকে ফেশ্বন কুইন উৰ্ফী জাভেদ ৷ এইবাৰ পুনৰবাৰ লাইমলাইটলৈ আহিছে উৰ্ফী জাভেদ । এইবাৰ উৰ্ফীয়ে নিজৰ এলিয়েন লুকেৰে সকলোকে আচৰিত কৰি তুলিছে । উৰ্ফীৰ এইবাৰৰ সাজ দেখি স্তম্ভিত হৈ পৰিব আপুনিও (Urfi Javed Latest Look) ।
বল্ড লুকৰ বাবে চৰ্চাত থাকা উৰ্ফীক এইবাৰ সম্পূৰ্ণ কাপোৰ পৰিধান কৰি থকা দেখা পোৱা গৈছে (Urfi in Revealing Outfit) ৷ মূৰৰ পৰা ভৰিলৈকে ঢকা কাপোৰ পৰিধান কৰিছে উৰ্ফীয়ে ৷ উৰ্ফীক এই অৱতাৰত দেখি স্তম্ভিত হৈ পৰিল অনুৰাগী । সম্প্ৰতি উৰ্ফীৰ এই এলিয়েন লুকটো যথেষ্ট ভাইৰেল হৈ পৰিছে ছ’চিয়েল মিডিয়াত ৷ অৱশ্যে উৰ্ফীৰ এই লুকৰ বাবে একাংশ ব্যৱহাৰকাৰীয়ে প্ৰশংসাও লাভ কৰিছে ৷ কিয়নো উৰ্ফীক এইবাৰ সম্পূৰ্ণ শৰীৰ ঢাকি ৰখা কাপোৰ পৰিধান কৰা দেখা পোৱা গৈছে ৷ যাৰ বাবেই প্ৰশংসা কৰিছে ছ’চিয়েল মিডিয়াত ব্যৱহাৰকাৰীয়ে।
অৱশ্যে উৰ্ফী জাভেদৰ লেটেষ্ট লুকটো বহুত আচহুৱা । নীলা ৰঙৰ সাজ-পোছাক পৰিধান কৰা দেখা গৈছে উৰ্ফীক (Urfi Javed New Video) । এইবাৰ মুখৰ পৰা ভৰিলৈকে সম্পূৰ্ণ শৰীৰটো ঢাকি ৰাখিছিল উৰ্ফীয়ে । এই লুকত উৰ্ফীয়ে নীলা ৰঙৰ চুট পৰিধান কৰিছে ৷ চুটটোত কেৱল উৰ্ফীৰ চকু আৰু ওঁঠ দুটা হে দেখা পোৱা গৈছে । সেয়াহে উৰ্ফীক এই লুকত চিনি পোৱা অলপ টান হৈ পৰে ৷ অৱশ্যে উৰ্ফীৰ অনুৰাগীয়ে উৰ্ফীক এই লুকটো চিনি পাইছিল ৷ আনকি এই অদ্ভুত সাজ-পোছাক পৰিধান কৰি উৰ্ফীয়ে পাপাৰাজীৰ সন্মুখত পোজ দিয়াও দেখা যায় (Urfi Spotted in Alien like Outfit)।