চিটাৰা ডেস্ক, 21 নৱেম্বৰ: দীপাৱলী উপলক্ষে ছবিগৃহত মুক্তি লাভ কৰিছিল ছলমান খানৰ ছবি ‘টাইগাৰ ৩’ । এই ছবিখনে প্ৰথম সপ্তাহত বক্স অফিচত ভাল উপাৰ্জন কৰিছে যদিও এতিয়া টাইগাৰ ৩ ৰ সংগ্ৰহ হ্ৰাস পাবলৈ ধৰিছে । ছবিখনে প্ৰথম সপ্তাহৰ পিচৰে পৰা বক্স অফিচত বিশেষ উপাৰ্জন কৰিব পৰা নাই । এতিয়া ছবিখনৰ দশম দিনৰ সংগ্ৰহ প্ৰকাশ পাইছে ৷ দ্বিতীয় মঙলবাৰে ছবিখনে বক্স অফিচত অতি কম উপাৰ্জন কৰিছে ।
উল্লেখ্য যে, টাইগাৰ ৩ ছবিখনত ছলমান খানৰ সৈতে মুখ্য চৰিত্ৰত দেখা গৈছে কেটৰিণা কাইফ আৰু ইমৰাণ হাছমীক । ছবিখনত ইমৰাণ হাছমীয়ে খলনায়কৰ চৰিত্ৰত অভিনয় কৰিছে । যাৰবাবে অভিনেতাগৰাকীক প্ৰশংসা কৰা হৈছে ।
১০ দিনত ছবিখনে বক্স অফিচত সংগ্ৰহ কৰিলে ইমান
Sacknilk ৰ প্ৰাৰম্ভিক প্ৰতিবেদন অনুসৰি টাইগাৰ ৩ য়ে দশম দিনত ১.৪৩ কোটি টকা সংগ্ৰহ কৰিছে । ইয়াৰ লগে লগে ছবিখনৰ মুঠ সংগ্ৰহ হয়গৈ ২৩৮.৫১ কোটি টকা ।
সপ্তাহটোৰ শেষৰ ফালে হ্ৰাস পাইছে টাইগাৰ ৩ ৰ উপাৰ্জন । এতিয়া ছবিখনৰ সংগ্ৰহ যিদৰে হ্ৰাস পাইছে, এই পৰিপ্ৰেক্ষিতত ক’ব পাৰি যে ২৫০ কোটি টকাৰ ক্লাবত প্ৰৱেশ কৰাটোও কঠিন হ’ব ছবিখনৰ বাবে ।