চিটাৰা ডেস্ক, 12 ছেপ্টেম্বৰ: বিবেক ৰঞ্জন অগ্নিহোত্ৰী সম্প্ৰতি ব্যস্ত তেওঁৰ পৰৱৰ্তী ছবি ‘দ্য ভেকচিন ৱাৰ’ৰ প্ৰস্তুতিত । ইতিমধ্যে ছবিখনৰ নামৰ বাবেই বাতৰিৰ শিৰোনাম দখল কৰিছে । ইফালে আজি মুকলি হৈছে Covid-19 মহামাৰীৰ দৰে গুৰুতৰ বিষয়ত নিৰ্মিত ‘The Vaccine War’ৰ ট্ৰেইলাৰ ।
কিছুদিন পূৰ্বে বিবেক ৰঞ্জন অগ্নিহোত্ৰীয়ে ছবিখনৰ পোষ্টাৰ আৰু টিজাৰ মুকলি কৰিছিল । য’ত ছবিখনৰ তাৰকা অভিনেতাৰ সৰু আভাস দেখা পোৱা গৈছিল । একে সময়তে অনুৰাগীৰ অপেক্ষাৰ অন্ত পেলাই বিবেক অগ্নিহোত্ৰীয়ে মুকলি কৰিলে ছবিখনৰ ট্ৰেইলাৰ ।
মহামাৰী আৰু ভেকচিনৰ কাহিনী
‘দ্য ভেকচিন ৱাৰ’ৰ কাহিনীৰ কথা ক’বলৈ গ’লে ভাৰতৰ প্ৰথমখন জৈৱ বিজ্ঞানৰ ছবি । কৰ’না মহামাৰীৰ কাহিনী আৰু এই সংকটৰ মাজত ভেকচিন প্ৰস্তুত কৰাৰ সংগ্ৰামৰ কাহিনী বৰ্ণনা কৰা হৈছে ছবিখনত।
কেতিয়া মুক্তি পাব ছবিখন ?
বিবেক ৰঞ্জন অগ্নিহোত্ৰী আৰু পল্লৱী যোশীৰ ‘দ্য ভেকচিন ৱাৰ’ ছবিগৃহত মুক্তি পাব অহা ২৮ ছেপ্টেম্বৰত । ছবিখন পৰিচালনা কৰিছে বিবেক ৰঞ্জন অগ্নিহোত্ৰীয়ে । ‘দ্য ভেকচিন ৱাৰ’ত অনুপম খেৰ, নানা পাটেকাৰ, সপ্তমী গৌড়া আৰু পল্লৱী যোশীৰ গুৰুত্বপূৰ্ণ ভূমিকা আছে ।