The Vaccine War Collection Day 1: দ্য কাশ্মীৰ ফাইলছৰ দৰে ফলাফল দেখুৱাব নোৱাৰিলে বিবেক অগ্নিহোত্ৰীৰ দ্য ভেকচিন ৱাৰে

বিবেক অগ্নিহোত্ৰীৰ ‘দ্য ভেকচিন ৱাৰ’ ছবিগৃহত মুক্তি লাভ কৰিলে । ছবিখনৰ আৰম্ভণি বক্স অফিচত অতি লেহেমীয়া হৈছে আৰু প্ৰথম দিনাই বক্স অফিচত নিম্নমানৰ ধন উপাৰ্জন কৰিছে ।

চিটাৰা ডেস্ক, 29 ছেপ্টেম্বৰ: বৃহস্পতিবাৰে ছবিগৃহত মুক্তি লাভ কৰিলে বিবেক অগ্নিহোত্ৰীৰ আটাইতকৈ প্ৰত্যাশিত ছবি ‘দ্য ভেকচিন ৱাৰ’। অনুৰাগীয়ে অতি আগ্ৰহেৰে অপেক্ষা কৰি আছিল এই ছবিখনৰ বাবে । এতিয়া ছবিখন ছবিগৃহত মুকলি হোৱাৰ লগে লগে ইয়াৰ প্ৰথম দিনাৰ উপাৰ্জনৰ বিষয়ে জানিবলৈ অতিশয় উৎসুক হৈ পৰিছে অনুৰাগী । জানো আহক 'দ্য ভেকচিন ৱাৰ' মুক্তিৰ প্ৰথম দিনা কিমান কোটি টকা সংগ্ৰহ কৰিছে বক্স অফিচত ৷

প্ৰথম দিনা কিমান উপাৰ্জন কৰিলে ‘দ্য ভেকচিন ৱাৰে’ ?

‘দ্য ভেকচিন ৱাৰ’ত অনুপম খেৰ, নানা পাটেকাৰ, পল্লৱী যোশী, ৰাইমা সেন, সপ্তমী গৌড়াকে ধৰি বহু অভিনেতাই গুৰুত্বপূৰ্ণ ভূমিকা পালন কৰিছে । মুক্তিৰ পূৰ্বে এই ছবিখনক লৈ যথেষ্ট চৰ্চা হৈছিল ৷ এই ছবিখন কৰ'না মহামাৰীৰ সময়ত দেশৰ পৰিস্থিতি আৰু ভেকচিন নিৰ্মাণৰ কাহিনীৰ ওপৰত আধাৰিত । এতিয়া ছবিখন মুক্তিৰ প্ৰথম দিনটোৰ উপাৰ্জনৰ প্ৰাৰম্ভিক তথ্য পোহৰলৈ আহিছে ৷

• ছেকনিল্কৰ আৰম্ভণিৰ ট্ৰেণ্ড ৰিপৰ্ট অনুসৰি ‘The Vaccine War’ মুক্তিৰ প্ৰথম দিনা মাত্ৰ ১.৩০ টকাৰ ব্যৱসায় কৰিছে ।

‘ফুক্ৰে ৩’ আৰু চন্দ্ৰমুখী 2 ৰ প্ৰভাৱ পৰিল ‘দ্য ভেকচিন ৱাৰ’ৰ উপাৰ্জনত

উল্লেখ্য যে, ‘দ্য ভেকচিন ৱাৰ’ৰ সমান্তৰালকৈ ‘ফুক্ৰে ৩’ আৰু চন্দ্ৰমুখী 2 ছবিখনো ছবিগৃহত মুক্তি লাভ কৰিছে । তিনিওখনেই বিভিন্ন ধৰণৰ ছবি যদিও দৰ্শকৰ বিভাজনে ছবিসমূহৰ উপাৰ্জনত যথেষ্ট প্ৰভাৱ পেলাইছে । অৱশ্যে সপ্তাহৰ শেষৰ ফালে ‘দ্য ভেকচিন ৱাৰ’ৰ উপাৰ্জন বৃদ্ধি পাব বুলি আশা কৰা হৈছে ।

কম বাজেটত নিৰ্মিত ‘দ্য ভেকচিন ৱাৰ’ ছবিখনে দেশৰ ১০০০ খন পৰ্দাত মুক্তি লাভ কৰিছে । এই ছবিখন হিন্দী, ইংৰাজী, বাংলা, পাঞ্জাবী, ভোজপুৰী, কানাড়া, তামিল, তেলুগু, মালয়ালম, গুজৰাটী আৰু মাৰাঠী ভাষাত মুক্তি লাভ কৰিছে । এই ছবিখন পৰিচালনা কৰিছে বিবেক অগ্নিহোত্ৰীয়ে আৰু প্ৰযোজনা কৰিছে পল্লৱী যোশীয়ে ।

লগতে পঢ়ক:Chandramukhi 2 Collection Day 1: প্ৰথম দিনাই বক্স অফিচত চূড়ান্তভাৱে বিফল কংগনা ৰাণাৱটৰ চন্দ্ৰমুখী ২