Adah Sharma accident: মৃত্যুৰ ভাবুকিৰ মাজতে দুৰ্ঘটনাৰ সন্মুখীন হয় আদা শৰ্মা; ছ’চিয়েল মিডিয়াত শ্বেয়াৰ কৰিলে তথ্য

মৃত্যুৰ ভাবুকিৰ মাজতে দুৰ্ঘটনাত পতিত হয় আদা শৰ্মা ৷ ছ’চিয়েল মিডিয়াত অভিনেত্ৰীগৰাকীয়ে স্বাস্থ্যৰ আপডেট শ্বেয়াৰ কৰি ক’লে- মই ভালেই আছো, চিন্তাৰ বাবে ধন্যবাদ ৷

চিটাৰা ডেস্ক, 15 মে’: বলীউডৰ অভিনেতা আদা শৰ্মা বৰ্তমান নিজৰ ছবি দ্য কেৰেলা ষ্ট’ৰীৰ বাবে লাইমলাইটত আছে । অভিনেত্ৰীগৰাকীয়ে ছবিখনত কৰা বলিষ্ঠ অভিনয়ৰ বাবে ব্যাপক প্ৰশংসা লাভ কৰিছে (Adah Sharma) । কিন্তু ইয়াৰ মাজতে ছবিখনৰ বাবে বহু ভাবুকিও লাভ কৰিছে অভিনেত্ৰীগৰাকীয়ে ৷ ভাবুকি লাভ কৰাৰ মাজতে অভিনেত্ৰীগৰাকীৰ সন্দৰ্ভত আহিছে এটা বেয়া খবৰ (The Kerala Story) ৷

দেওবাৰে এক পথ দুৰ্ঘটনাত পতিত হয় আদা শৰ্মা আৰু দ্য কেৰেলা ষ্ট’ৰীৰ পৰিচালক সুদীপ্ত সেন (Adah Sharma accident) । ইয়াৰ পিচতে দুৰ্ঘটনাটোৰ খবৰ ছ’চিয়েল মিডিয়াত দ্ৰুতগতিত ভাইৰেল হৈ পৰে (Adah Sharma road accident) ৷ দুৰ্ঘটনাৰ খবৰ ভাইৰেল হ’বলৈ ধৰাৰ লগে লগে অভিনেত্ৰীগৰাকীয়ে নিজৰ টুইটাৰ একাউণ্টত এই বিষয়ে অনুৰাগীক অৱগত কৰে । আচলতে আদা শৰ্মা আৰু সুদীপ্ত সেন ১৪ মে’ত হিন্দু একতা যাত্ৰাত যোগদান কৰিবলৈ কৰিমনগৰলৈ যাত্ৰা কৰিছিল যদিও ইয়াৰ মাজতে পথ দুৰ্ঘটনাৰ সন্মুখীন হ’বলগীয়া হয় ৷ যাৰ ফলত তেওঁলোকে কৰিমনগৰত উপস্থিত হ’ব নোৱাৰিলে ।

আদা শৰ্মাই ছ’চিয়েল মিডিয়াত এটা পোষ্ট শ্বেয়াৰ কৰি লিখিছে- ‘বন্ধুসকল, মই ভালেই আছো । আমাৰ দুৰ্ঘটনাৰ খবৰ বিয়পি পৰাৰ পিচৰে পৰা মানুহৰ পৰা বহুত মেছেজ আহি আছে। আমি আৰু আমাৰ সমগ্ৰ দলটো ঠিকেই আছো, কোনোৱেই ছিৰিয়াছ নহয় । ডাঙৰ কথা নহয়, আপোনালোক সকলোকে ধন্যবাদ।’

আদাৰ এই টুইটৰ পিচতে সকাহ পালে অনুৰাগীসকলে

আদাৰ এই টুইটৰ পিচত অনুৰাগীসকলে সকাহৰ হুমুনিয়াহ কাঢ়িছে । এজন অনুৰাগীয়ে কমেণ্ট ছেকচনত লিখিছে- 'ধন্যবাদ কোৱাৰ বাবে, মই বৰ চিন্তিত হৈ পৰিছিলো, ভাল এতিয়াৰ পৰা দুগুণ যত্ন লওক, বহুতৰে আপোনাৰ ওপৰত বিশ্বাস আছে।’ আন এজন অনুৰাগীয়ে লিখিছে – অনুগ্ৰহ কৰি নিজৰ যত্ন লওক । তৃতীয় ব্যৱহাৰকাৰীয়ে লিখিছে– আপোনাৰ অভিনয়ত মই নিশ্চিত, আপোনাৰ দৰে শিল্পী খুব কম । নিজৰ যত্ন লওক ।’

সুদীপ্তই শ্বেয়াৰ কৰিছিল পথ দুৰ্ঘটনাৰ তথ্য

দেওবাৰে এই পথ দুৰ্ঘটনাৰ বিষয়ে অৱগত কৰিছিল পৰিচালক সুদীপ্ত সেনে (Adah Sharma health update) । তেওঁ টুইটত লিখিছে- ‘আজি আমি কৰিমনগৰলৈ গৈ আছিলোঁ যুৱক-যুৱতীৰ সমাৱেশত আমাৰ ছবিখনৰ বিষয়ে কথা পাতিবলৈ, কিন্তু দুৰ্ভাগ্যজনকভাৱে জৰুৰীকালীন স্বাস্থ্যজনিত সমস্যাৰ বাবে যাত্ৰা কৰিব নোৱাৰিলোঁ । কৰিমনগৰবাসীৰ ওচৰত আন্তৰিকতাৰে ক্ষমা বিচাৰিছো (Director Sudipto Sen road accident) । আমি আমাৰ কন্যা সন্তানক বচাবলৈ এখন ছবি বনাইছো, আমাক সহায় কৰিব । ’

লগতে পঢ়ক:Kapil Sharma: কন্যাৰ সৈতে ৰেম্পত খোজ দি অনুৰাগীৰ হৃদয় জয় কৰিলে কপিল শৰ্মাই; পুত্ৰৰ সৈতে ৰেম্পত খোজ দিলে ভাৰতীয়ে