চিটাৰা ডেস্ক, 1 নৱেম্বৰ: দক্ষিণৰ জনপ্ৰিয় অভিনেতা চিয়ান বিক্ৰম বৰ্তমান কোনো পৰিচয়ৰ ওপৰত নিৰ্ভৰশীল নহয় ৷ নিজৰ ছবিত ব্যতিক্ৰমী চৰিত্ৰত অভিনয় কৰাৰ বাবে জনপ্ৰিয় বিক্ৰম ৷ কেতিয়াবা যদি নায়কৰ ৰূপত কেতিয়া ভিলেইনৰ ৰূপত, কেতিয়াবা আকৌ এখন ছবিতেই বহুকেইটা চৰিত্ৰত অভিনয় কৰি অনুৰাগীৰ হৃদয় জয় কৰিবলৈ সক্ষম হৈছে বিক্ৰমে ৷ সেয়েহে, বহুমুখী অভিনেতাগৰাকীৰ নতুন ছবিৰ বাবে অপেক্ষা কৰি থাকে অনুৰাগী ৷ এতিয়া অভিনেতাগৰাকীক পুনৰ আন এখন ছবিত ব্যতিক্ৰমী চৰিত্ৰত অভিনয় কৰা দেখা যাব ৷
হয়, চিয়ান বিক্ৰমৰ এখন শক্তিশালী ছবি অহা বছৰ ছবিগৃহত মুক্তি পাব আৰু ইয়াৰ প্ৰথম লুকৰ টিজাৰ আজি মুক্তি লাভ কৰিছে । ছবিখনৰ নাম ‘থাংগালান’ ৷ এই ছবিখনৰ এটা শক্তিশালী টিজাৰ আজি নিৰ্মাতাই মুক্তি দিছে । এতিয়ালৈকে দক্ষিণৰ ছবিত আপুনি দেখিছে ‘পুষ্পা’ত ৰঙা চন্দন কাঠৰ চোৰাংচোৱা আৰু কে জি এফত কয়লা খনিৰ প্ৰচণ্ড কাহিনী, এতিয়া এই চিনেমাখনত দেখুওৱা হ’ব কোলাৰ গোল্ড ফিল্ডছৰ কাহিনী ৷ এই ছবিখন এটা সঁচা ঘটনাৰ আধাৰত নিৰ্মাণ কৰা হৈছে । কোনো সংলাপ নোহোৱাকৈ 1.32 ছেকেণ্ডৰ এই ভিডিঅ’টোত বিক্ৰমক দেখি স্তম্ভিত হ’ব আপুনি ।
চিয়ান বিক্ৰমৰ উপৰিও ‘থাংগালান’ ছবিখনত মুখ্য চৰিত্ৰত দেখা যাব মালবিকা মহননক । ইয়াৰ উপৰিও পাৰ্বতী থিৰুভোথু, পসুপতি, ডেনিয়েল কালটাজিৰন আৰু হৰিকৃষ্ণন অম্বুদুৰাইক দেখা যাব ছবিখনত ।
কেতিয়া মুক্তি পাব ‘থাংগালান’ ?