চিটাৰা ডেস্ক, 22 জুন: আজি (২২ জুন) দক্ষিণ চলচ্চিত্ৰ উদ্যোগৰ তাৰকা থালাপাথী বিজয়ে উদযাপন কৰিছে ৪৯ সংখ্যক জন্মদিন । এই উপলক্ষে অভিনেতাগৰাকীয়ে তেওঁৰ একচন ভৰ্তি আগন্তুক ছবি ‘লিঅ’ৰ প্ৰথম লুক শ্বেয়াৰ কৰিছে ৷ ‘বিক্ৰম’ৰ খ্যাতি পৰিচালক লোকেশ কানাগৰাজৰ নিৰ্দেশনাত নিৰ্মাণ হৈছে ‘লিঅ’ ছবিখন । বিজয়ৰ জন্মদিনত ‘লিঅ’ ছবিখনৰ ফাৰ্ষ্ট লুক শ্বেয়াৰ কৰে লোকেশে । অভিনেতাগৰাকীৰ জন্মদিন উপলক্ষে বিজয়ৰ অনুৰাগীৰ মাজত বৈছে আনন্দৰ বন্যা ।
অভিনেতাগৰাকীক অনুৰাগীয়ে ইমানেই ভাল পাই যে এই জন্মদিনত তেওঁলোকে অভিনেতাগৰাকীৰ নামত খৰচ কৰিছে কোটি কোটি টকা ৷ হয়, বিজয়ৰ জন্মদিনত তেওঁৰ অনুৰাগীয়ে সোণৰ আঙঠি, পেট্ৰ’ল আৰু বিৰিয়ানীৰ লগতে ২২০ টকা বিনামূলীয়াকৈ বিতৰণ কৰিছে ।
ক’ত বিতৰণ হৈছে সোণৰ আঙঠি, চিকেন বিৰিয়ানী আৰু পেট্ৰ’ল ?
সংবাদ মাধ্যমৰ খবৰ অনুসৰি, তামিলনাডুত অভিনেতাগৰাকীৰ অনুৰাগীয়ে অভিনেতাগৰাকীৰ জন্মদিনত নিউ বৰ্ণ বেবীক সোণৰ আঙঠি উপহাৰ দিছে । মাদুৰাইত বিজয়ৰ অনুৰাগীয়ে ৰাইজৰ মাজত বিতৰণ কৰিছে চিকেন বিৰিয়ানী আৰু পেট্ৰ’ল । কেৱল এয়াই নহয় বিজয়ৰ অনুৰাগীসকলে ফুড ডেলিভাৰী বয়ক ২২০ টকা উপহাৰ হিচাপে দি তেওঁলোকক কামৰ প্ৰতি প্ৰেৰণা যোগাইছে । একে সময়তে পুডুচেৰীত এজন অনুৰাগীয়ে নিজৰ জীৱনকো তুচ্ছ কৰি সাগৰত অভিনেতাজনৰ মুখৰ বেনাৰ এখন খুঁটাত আৰি জন্মদিন উদযাপন কৰে ।
অভিনেতাজনৰ ৱৰ্কফ্ৰন্ট
অভিনেতাগৰাকীৰ ৱৰ্কফ্ৰন্টৰ কথা ক’বলৈ গ’লে ১৯ অক্টোবৰত মুক্তি পাব ‘লিঅ’। এই ছবিখনত সঞ্জয় দত্তক খলনায়কৰ চৰিত্ৰত দেখা যাব । ছবিখনৰ মুখ্য অভিনেত্ৰী হ’ব তামিল অভিনেত্ৰী তৃষা । উল্লেখ্য যে, বিজয়ক শেষবাৰৰ বাবে দেখা গৈছিল ‘বৰিশু’ ছবিখনত । এই ছবিখনে বক্স অফিচত ভাল ব্যৱসায় কৰিছিল। এতিয়া অনুৰাগীসকলে আগ্ৰহেৰে অপেক্ষা কৰি আছে বিজয়ৰ ছবি ‘লিঅ’ৰ বাবে ।
লগতে পঢ়ক:Anupam Kher Video: অনুপম খেৰৰ ডাঙৰ প্ৰতিশ্ৰুতি, বন্ধুৰ কন্যাক বলীউডত লঞ্চ কৰিব অনুপম খেৰে
