চিটাৰা ডেস্ক, ১১ ছেপ্টেম্বৰ:ছবি জগতৰ হীৰা ৰজনীকান্ত । দক্ষিণৰ ছুপাৰষ্টাৰ ৰজনীকান্তৰ ফেন-ফ’ল’য়িং এনেকুৱা যে দক্ষিণত তেওঁক পূজা কৰে অনুৰাগীয়ে । কেইবা দশক ধৰি ছবিজগতত চলি আছে ৰজনীকান্তৰ যাদু ৷ ৰজনীকান্তৰ শেহতীয়াকৈ মুক্তি পোৱা ছবি ‘জেইলাৰে’ প্ৰমাণ কৰিছে যে ৰজনীকান্তৰ উন্মাদনা এতিয়াও শেষ হোৱা নাই। এই ছবিখনৰ ব্যাপক সফলতাৰ পিচতে এতিয়া ৰজনীকান্তক দেখা পোৱা যাব আন এক ৰোমাঞ্চকৰ প্ৰজেক্টত ।
বহু দশক ধৰি চিনেমা জগতখনত শাসন কৰি আহিছে ৰজনীকান্তে । হিন্দী আৰু দক্ষিণৰ ছবিত কাম কৰা ৰজনীকান্তৰ ছবি যেতিয়াই আহে, তেতিয়াই দৰ্শকৰ মাজত আবেগ বাঢ়ি যায় । তেওঁৰ আগন্তুক ছবিৰ কথা ঘোষণা কৰাৰ লগে লগে ছ’চিয়েল মিডিয়াত ট্ৰেণ্ড কৰিবলৈ আৰম্ভ কৰে । তেওঁৰ আগন্তুক ছবিখনৰ নাম হৈছে ‘থালাইভাৰ ১৭১’ ৷
ৰজনীকান্তৰ আগন্তুক ছবিৰ ঘোষণা
বহুদিন ধৰি চৰ্চা চলিছিল যে ৰজনীকান্তে ছবি নিৰ্মাতা লোকেশ কাংগৰাজৰ সৈতে এখন চিনেমাত একেলগে কাম কৰিব । এতিয়া নিৰ্মাতাই নিজেই ঘোষণা কৰিছে এই কথা । ছ’চিয়েল মিডিয়াত ৰজনীকান্তৰ আগন্তুক ছবি ‘থালাইভাৰ ১৭১’ৰ কথা ঘোষণা কৰিছে ছান পিকচাৰ্ছে ।