চিটাৰা ডেস্ক, ৩০ নৱেম্বৰ: আজি তেলেংগানাত আৰম্ভ হৈছে বিধানসভা নিৰ্বাচন ২০২৩ ৰ ভোটগ্ৰহণ প্ৰক্ৰিয়া ৷ ১১৯ খন আসনত অনুষ্ঠিত হৈছে ভোটগ্ৰহণ । এইবাৰ ২২৯০ গৰাকী প্ৰাৰ্থীয়ে নিৰ্বাচনত প্ৰতিদ্বন্দ্বিতা কৰিছে । ৰাজ্যত পুৱা ৭ বজাৰ পৰাই আৰম্ভ হৈছে ভোটদান আৰু সন্ধিয়া ৬ বজালৈকে চলিব ভোটদান । এনে পৰিস্থিতিত টলিউডৰ তাৰকাসকলেও ভোটদানৰ বাবে অতি উৎসাহেৰে ভোটগ্ৰহণ কেন্দ্ৰত উপস্থিত হোৱা দেখা গ’ল । চিৰঞ্জীৱীৰ পৰা ৰাণা ডাগ্গুবাটি, জুনিয়ৰ এন টি আৰ ৰ পৰা এছ এছ ৰাজামৌলিলৈকে চেলেব্ৰিটিসকলে পৰিয়ালৰ সৈতে ভোটদান কৰে ।
ভোটদানৰ বাবে হায়দৰাবাদত উপস্থিত হোৱা দেখা গ’ল দক্ষিণৰ বহু তাৰকাক । আৰ আৰ আৰৰ তাৰকা জুনিয়ৰ এন টি আৰৰ সৈতে তেওঁৰ পত্নী লক্ষ্মী প্ৰণতি আৰু মাতৃ শালিনী নন্দমুৰীয়ে ভোটদানৰ বাবে ভোটগ্ৰহণ কেন্দ্ৰত উপস্থিত হয় । ৰাণা ডাগ্গুবাটি আৰু মেগাষ্টাৰ চিৰঞ্জীৱীয়েও শাৰী পাতি ভোটদান কৰে । এতিয়া ভোটগ্ৰহণ কেন্দ্ৰৰ পৰা পোহৰলৈ আহিছে তাৰকাসকলৰ ভিডিঅ’ ।
পত্নী ৰমা ৰাজামৌলিৰ সৈতে ভোটদান কৰিবলৈ যায় চলচ্চিত্ৰ নিৰ্মাতা এছ এছ ৰাজামৌলি । ভোটদানৰ পিচত নিৰ্মাতাগৰাকীয়ে নিজৰ এক্স একাউণ্টত পত্নীৰ সৈতে চেলফি শ্বেয়াৰ কৰে । ফটোখনৰ লগতে তেওঁ কেপচনত লিখিছে – আমি কৰিলোঁ ? আপুনি কৰিলেনে ? এজন গৌৰৱান্বিত ভোটাৰ হওক ।
এম এম কীৰৱাণীয়েও ভোটদানৰ বাবে জনালে আবেদন