চিটাৰা ডেস্ক, 8 মে’: মেগাষ্টাৰ ৰজনীকান্তৰ প্ৰত্যেকখন ছবিৰ বাবে অপেক্ষা কৰে তেওঁৰ লাখ লাখ অনুৰাগীয়ে ৷ 72 বছৰ বয়সতো মেগাষ্টাৰগৰাকীয়ে নিজৰ অভিনয়ৰে মন্ত্ৰমুগ্ধ কৰি ৰাখে অনুৰাগীক ৷ সেয়াহে অভিনেতাগৰাকীৰ আহিবলগীয়া ছবি ‘লাল চালাম’ৰ বাবেও অতি আগ্ৰহেৰে অপেক্ষা কৰি আছিল অনুৰাগীয়ে ৷ শেহতীয়াকৈ ছবিখনৰ ফাৰ্ষ্ট লুক মুকলি কৰে নিৰ্মাতাই ৷ অৱশ্যে অভিনেতাগৰাকীৰ অন্যন্যা ছবিৰ দৰে এই ছবিখনৰ প্ৰথম লুকে সঁহাৰি নাপালে অনুৰাগীৰ ৷ বৰংস্ব ছবিখনৰ পৰা ৰজনীকান্তৰ ফাৰ্ষ্ট লুক শ্বেয়াৰ কৰাৰ পিচতে ব্য়াপক ট্ৰ’লৰ সন্মুখীন হয় (Superstar Rajinikanths Lal Salaam poster) ৷
উল্লেখ্য যে ‘লাল চালাম’ ছবিখনত ৰজনীকান্তক এটা মুছলমান চৰিত্ৰত (মইদীন ভাই) অভিনয় কৰা দেখা যাব । ছবিখন পৰিচালনা কৰিছে ৰজনীকান্তৰ কন্যা ঐশ্বৰ্যই । কন্যাৰ ছবিখনত কেমিঅ’ ৰ’লত দেখা যাব ৰজনীকান্তক । এই ছবিখনৰ পৰা ৰজনীকান্তৰ ফাৰ্ষ্ট লুক ৮ মে’ত অৰ্থাৎ আজি মুক্তি লাভ কৰিছে ।
ছ’চিয়েল মিডিয়াত ছবিখনৰ পৰা ৰজনীকান্তৰ প্ৰথম লুকটো ভাইৰেল হৈ পৰিছে ৷ কিন্তু ৰজনীকান্তৰ লুকৰ বাবে ছ’চিয়েল মিডিয়াত বেয়াকৈ ট্ৰ’ল কৰা হয় । ৰজনীকান্তৰ অনুৰাগীয়ে তেওঁৰ লুকটো পছন্দ কৰা নাই আৰু ইয়াৰ বাবেই তেওঁৰ কন্যাক টাৰ্গেট কৰিছে একাংশই (Lal Salaam poster brutally trolled) ।
ছ’চিয়েল মিডিয়াত বহু ইউজাৰেও ৰজনীকান্তৰ এই লুকত কৰা ফটোশ্বপক সমালোচনা কৰিছে । এতিয়া ছ’চিয়েল মিডিয়া ব্যৱহাৰকাৰীসকলে এই পোষ্টাৰখন আঁতৰোৱাৰ কথাও কৈছে । উল্লেখ্য যে, ৮ মে’ত ঐশ্বৰ্য আৰু লাইকা প্ৰডাকচনে নিজৰ ছ’চিয়েল মিডিয়া পেজত ছবিখনৰ পৰা ৰজনীকান্তৰ ফাৰ্ষ্ট লুক মুকলি কৰিছিল (Rajinikanths Lal Salaam poster upsets fan) ।