Sunny Deol turns 65: ছানী দেউলৰ 65 বছৰীয়া জন্মদিনত কি ক’লে ববী দেউলে

জীৱনৰ আৰু এটা বছৰ অতিক্ৰম কৰিলে ছানী দেউলে ৷ 65 সংখ্যক জন্মদিনত ছানীৰ কনিষ্ঠ ভাতৃ তথা অভিনেতা ববী দেউলে জন্মদিনৰ আন্তৰিক শুভেচ্ছা জ্ঞাপন কৰিছে ।

চিটাৰা ডেস্ক, 19 অক্টোবৰ :বলীউড অভিনেতা ববী দেউলে মঙলবাৰে মাজনিশা তেওঁৰ ভায়েক ছানী দেউললৈ জন্মদিনৰ উষ্ম শুভেচ্ছা জ্ঞাপন কৰে । ইনষ্টাগ্ৰামত ববীয়ে এখন ফটো শ্বেয়াৰ কৰিছে য'ত তেওঁ শিৰোনাম দিছে, "আই লাভ ইউ ভাইয়া #happybirthday" ৷

ছবিখনত দুয়োজন অভিনেতাক ইজনে সিজনক আলিঙ্গন কৰি থকা দেখা গৈছে । ৰেচ 3 ৰ অভিনেতাজনে ছবিখন শ্বেয়াৰ কৰাৰ পিছতে অনুৰাগীসকলে গদৰ খ্যাত অভিনেতাজনক জন্মদিনৰ শুভেচ্ছাৰে ওপচাই পেলায় । অভিনেতা চাঙ্কি পাণ্ডেই লিখিছে, "শুভ শুভ জন্মদিন মৰমৰ ছানী" ৷ আনহাতে ঈষা গুপ্তাই হাৰ্ট ইম’জীৰে নিজ বাৰ্তা প্ৰেৰণ কৰে ৷ অভিনেতা ৰাহুল দেৱে ববীৰ জন্মদিনৰ পোষ্টত মন্তব্য কৰে, "শুভ জন্মদিন ছানী ভাইয়া ❤️" ৷

ইফালে ৱৰ্ক ফ্ৰণ্টৰ কথা কবলৈ গ’লে শেহতীয়াকৈ ছানীক দুলকৰ ছালমান আৰু পূজা ভাটৰ সৈতে এখন থ্ৰিলাৰ ছবি চুপত দেখা গৈছিল । আৰ বাল্কিৰ নেতৃত্বত এই ছবিখনে দৰ্শকৰ পৰা ইতিবাচক সঁহাৰি লাভ কৰে ।

পৰৱৰ্তী সময়ত তেওঁক পৰিচালক অনিল শৰ্মাৰ পৰৱৰ্তী ছবি গদৰ 2 ত আমীশা পেটেল আৰু উৎকৰ্ষ শৰ্মাৰ সৈতে আৰু আপনে 2 ত ববী দেউল, কৰণ দেউল আৰু তেওঁৰ পিতৃ ধৰ্মেন্দ্ৰৰ সৈতে দেখিবলৈ পোৱা যাব । মালয়ালম ক্ৰাইম থ্ৰিলাৰ জোচেফৰ হিন্দী ৰিমেক সূৰ্যতো দেখা যাব অভিনেতাগৰাকীক ।

ইফালে, অলপতে MX Player ত প্ৰিমিয়াৰ হোৱা প্ৰকাশ ঝাৰ ৰাজনৈতিক নাটক আশ্ৰম চিজন 3 ত ববীক দেখা পোৱা গৈছিল আৰু দৰ্শকৰ পৰা ইতিবাচক সঁহাৰি লাভ কৰিছিল । পৰৱৰ্তী সময়ত তেওঁক পৰিচালক সন্দীপ ৰেড্ডী ভাঙাৰ পৰৱৰ্তী গেংষ্টাৰ ড্ৰামা ছবি এনিমেলত ৰণবীৰ কাপুৰ, ৰশ্মিকা মান্দানা আৰু অনিল কাপুৰৰ সৈতে দেখা যাব ।

লগতে পঢ়ক :Hailey Bieber and Selena Gomez,জাষ্টিনৰ প্ৰাক্তন প্ৰেমিকাই মৰমত সাৱটি ধৰিলে পত্নী হাইলী বিবাৰক