চিটাৰা ডেস্ক, 13 অক্টোবৰ: নিজৰ শক্তিশালী অভিনয়েৰে বিজয় বৰ্মাই হিন্দী চলচ্চিত্ৰ জগতত নিজৰ এক সুকীয়া নাম বনাবলৈ সক্ষম হৈছে ৷ উল্লেখযোগ্য যে ডাৰ্লিংছ আৰু দহাড়কে ধৰি শেহতীয়া কিছুমান জনপ্ৰিয় ছবি আৰু শ্ব’ত অভিনেতাগৰাকীৰ নেতিবাচক ভূমিকাই দৰ্শকৰ হৃদয় জয় কৰিছে । এতিয়া বিজয় বৰ্মাই নিজৰ উৎকৃষ্ট অভিনয়ৰ বাবে এছিয়ান একাডেমী ক্ৰিয়েটিভ এৱাৰ্ডছৰ পৰা লাভ কৰিছে বিশেষ সন্মান ৷ দৰাচলতে বিজয় বৰ্মাই আমাজন প্ৰাইম ভিডিঅ’ৰ শ্ব’ ‘দহাড়’ত চিৰিয়েল কিলাৰ হিচাপে ব্যতিক্ৰমী অভিনয়ৰ বাবে পপুলাৰ এছিয়ান একাডেমী ক্ৰিয়েটিভ এৱাৰ্ডছত শ্ৰেষ্ঠ অভিনেতা –ভাৰতৰ বঁটা লাভ কৰিছে ।
ভাৰতৰ শ্ৰেষ্ঠ অভিনেতাৰ বঁটা লাভৰ সন্দৰ্ভত কি ক’লে বিজয় বৰ্মাই ?
শেহতীয়াকৈ আটাইতকৈ জনপ্ৰিয় আমাজন প্ৰাইম ভিডিঅ’ শ্ব’ প্ৰস্তুত কৰা প্ৰডাকচন বেনাৰ এক্সেল মুভিজে নিজৰ অফিচিয়েল ছ’চিয়েল মিডিয়া হেণ্ডেলত প্ৰকাশ কৰিছে যে বিজয় বৰ্মাই এছিয়ান একাডেমী ক্ৰিয়েটিভ এৱাৰ্ডত শ্ৰেষ্ঠ অভিনেতা – ভাৰতৰ বঁটা লাভ কৰিছে । এক্সেল মুভিজৰ ইনষ্টাগ্ৰাম পোষ্টত লিখা আছিল, "এছিয়ান একাডেমী বঁটাত উৎসাহ । #Dahad ৰ বাবে শ্ৰেষ্ঠ অভিনেতা বিজয়ী হোৱাৰ বাবে @itsvijayvarma লৈ অভিনন্দন ।"