অসাধাৰণ অভিনয়ৰ বাবে সহঃ অভিনেতাৰ এমী বঁটা লাভ মেথিউ মেকফাডেয়েনৰ

মঙলবাৰে ৰাতিপুৱাই 'Succession' ৰ অনুৰাগীসকলে লাভ কৰে এটা ভাল খবৰ ৷ মেথিউ মেকফাডেয়েনে 74 তম বাৰ্ষিক টেলিভিছন একাডেমী বঁটাত এখন চিৰিজত কৰা অসামান্য অভিনয়ৰ বাবে সহ-অভিনেতাৰ এমী বঁটা লাভ কৰে ।

চিটাৰা ডেস্ক, 13 ছেপ্টেম্বৰ :'Succession' চিৰিজৰ অনুৰাগী সকললৈ ভাল খবৰ ৷ মঙলবাৰে ৰাতিপুৱা ঘোষণা হোৱা 74 তম বাৰ্ষিক টেলিভিছন একাডেমী বঁটা মেথিউ মেকফাডেয়েনে এখন ড্ৰামা চিৰিজত কৰা অসামান্য অভিনয়ৰ বাবে সহ-অভিনেতাৰ এমী বঁটা লাভ কৰে ।

2022 ৰ এমী বঁটাত মেকফাডেয়েনে নিকোলাছ ব্ৰাউন (Succession), বিলি ক্ৰুডুপ (The Morning Show), কিৰণ কালকিন (Succession), পাৰ্ক হে-চু (স্কুইড গেম), জন টাৰ্টুৰো (Severance), ক্ৰিষ্টোফাৰ ৱাকেন (Severance) আৰু ওহ ইয়ং-চু (স্কুইড গেম)ক পৰাস্ত কৰে ।

ব্ৰিটিছ অভিনেতাজনক ইয়াৰ আগতে 2020 চনত HBO চেনেলটোৰ হিট চিৰিজ Succession ত শিৱ ৰয়ৰ (চাৰাহ স্নুক) স্বামী টম ৱাম্বচগানছৰ চৰিত্ৰত অভিনয় কৰাৰ বাবে একেটা শ্ৰেণীত মনোনীত কৰা হৈছিল । খবৰ অনুসৰি, 'Succession'য়ে শ্ৰেষ্ঠ চিৰিজকে ধৰি 25 টাকৈ বঁটা লাভ কৰে ।

সৰ্বমুঠ এই শ্ব’টোৱে অভিনয় শ্ৰেণীত 14 টা এমী মনোনয়ন লাভ কৰিছিল । শ্ব’টোৱে ইয়াৰ প্ৰথম চিজনৰ বাবে পাঁচটা আৰু ইয়াৰ দ্বিতীয় চিজনটোৰ বাবে 18 টা এমী মনোনয়ন লাভ কৰিছে । এই চিজনটোত, HBOয়ে চিৰিজটোত 38 টা এণ্ট্ৰি জমা দিছিল । Succession য়ে 2020 চনত শেষবাৰৰ বাবে এমীৰ বাবে প্ৰতিদ্বন্দ্বিতা কৰাৰ সময়ত শ্ৰেষ্ঠ নাটক ট্ৰফী আৰু আন আঠটা বঁটা লাভ কৰিছিল ।

আনহাতে, 'Succession'ৰ চতুৰ্থ চিজনৰ কাম চলি আছে । জনপ্ৰিয় অনুষ্ঠান 'Succession'ৰ চতুৰ্থ চিজনৰ লিখনি প্ৰায় সমাপ্ত হৈছে ।

লগতে পঢ়ক :Richa Chadda and ali fazal wedding:বিয়াৰ তাৰিখ নিৰ্ধাৰণ কৰিলে আলী ফজল-ৰিছা চড্ডাই