চিটাৰা ডেস্ক, 23 মে’:এছ এছ ৰাজামৌলিৰ ব্লকবাষ্টাৰ ছবি ‘আৰ আৰ আৰ’ত ভিলেইনৰ চৰিত্ৰত অভিনয় কৰা আইৰিছ অভিনেতা ৰে ষ্টিভেনছনৰ দেহাৱসান । ৫৮ বছৰ বয়সত শেষ নিশ্বাস ত্যাগ কৰে অভিনেতাগৰাকীয়ে । অভিনেতাগৰাকীৰ প্ৰচাৰকে তেওঁৰ মৃত্যুৰ খবৰ নিশ্চিত কৰিছে যদিও অভিনেতাজনৰ মৃত্যুৰ কাৰণ এতিয়াও জানিব পৰা হোৱা নাই (Ray Stevenson Passes Away) ।
ষ্টিভেনছনে আৰ আৰ আৰ ছবিখনৰ জৰিয়তে ভাৰতীয় দৰ্শকৰ মাজত জনপ্ৰিয়তা লাভ কৰিছিল
উল্লেখ্য যে এছ এছ ৰাজামৌলিৰ মেগা ব্লক বাষ্টাৰ ছবি ‘আৰ আৰ আৰ’ত গৱৰ্ণৰ স্কট বাক্সটনৰ নেতিবাচক চৰিত্ৰত অভিনয় কৰি ষ্টিভেনছনে বহু ভাৰতীয় দৰ্শকৰ মাজত যথেষ্ট জনপ্ৰিয়তা লাভ কৰিছিল । ৰামচৰণ আৰু জুনিয়ৰ এন টি আৰ অভিনীত এই ছবিখন ষ্টিভেনছনৰ কেৰিয়াৰৰ একমাত্ৰ ভাৰতীয় ছবি (Ray Stevenson Death)।
ষ্টিভেনছনৰ মৃত্যুত শোক প্ৰকাশ কৰিছে ৰাজামৌলিয়ে
ৰে ষ্টিভেনছনৰ মৃত্যুত শোক প্ৰকাশ কৰিছে এছ এছ ৰাজামৌলিয়ে । ৰাজামৌলিয়ে নিজৰ টুইটাৰ একাউন্টত ‘আৰ আৰ আৰ’ৰ চেটৰ পৰা ৰে ষ্টিভেনছনৰ সৈতে নিজৰ এখন ছবি শ্বেয়াৰ কৰিছে । ফটোখনত শ্বটৰ মাজত চেটত ৰাজমৌলি আৰু ৰে ষ্টিভেনছনে কথা-বতৰা পাতি থকা দেখা গৈছে (RRR actor Ray Stevenson no more)।
ইয়াৰ লগতে ছবি নিৰ্মাতাগৰাকীয়ে এটা হৃদয়স্পৰ্শী পোষ্টো শ্বেয়াৰ কৰিছিল ৷ পোষ্টটো শ্বেয়াৰ কৰি তেওঁ লিখিছে, ‘শ্বকিং... এই খবৰটো বিশ্বাস কৰিব পৰা নাই । ষ্টিভেনছনে চেটলৈ নিজৰ লগত বহু শক্তি আৰু স্পন্দন লৈ আহিছিল । তেওঁৰ লগত কাম কৰাটো আছিল বিশুদ্ধ আনন্দ । মোৰ প্ৰাৰ্থনা তেওঁৰ পৰিয়ালৰ সৈতে । তেওঁৰ আত্মাই শান্তি লাভ কৰক ৷’
আৰ আৰ আৰৰ দলৰ টুইট
আৰ আৰ আৰৰ দলটোৱে অভিনেতাগৰাকীক শ্ৰদ্ধাঞ্জলি জনাই টুইট কৰি কয়, "আমি এই কঠিন দৃশ্যটোৰ শ্বুটিং কৰাৰ সময়ত তেওঁৰ বয়স আছিল ৫৬ বছৰ, কিন্তু এই ষ্টাণ্টটো প্ৰদৰ্শন কৰাৰ সময়ত তেওঁ কোনো কুণ্ঠাবোধ কৰা নাছিল । ৰে ষ্টিভেনছন, #RRRৰ চেটত আপোনাৰ উপস্থিতি মৰমেৰে স্মৰণ কৰা হ'ব । অতি সোনকালেই গুচি গ’লে ।"
লগতে পঢ়ক:Sarath Babu Passed Away: দক্ষিণৰ অভিনেতা সাৰথ বাবু আৰু নাই
