চিটাৰা ডেস্ক, 13 আগষ্ট: এই বছৰৰ বহু প্ৰত্যাশিত ছবি হৈছে জৱান । অনুৰাগীসকলে অতি আগ্ৰহেৰে অপেক্ষা কৰি আছে শ্বাহৰুখ খানৰ এই ছবিখনৰ বাবে । আনহাতে, কিছুদিনৰ পৰা ছ’চিয়েল মিডিয়াত ছবিখনৰ সৈতে জড়িত বহু কথাই শ্বেয়াৰ কৰা পৰিলক্ষিত হৈছে শ্বাহৰুখ খানে ৷ কিছুদিন পূৰ্বে ছবিখনৰ পৰা মুকলি হৈছিল জৱানৰ জিন্দা বান্দা গীতটি ৷ এতিয়া ১৪ আগষ্টত মেকাৰে আন এটা গীত মুকলি কৰাৰ কথা ঘোষণা কৰিছে ।
শনিবাৰে শ্বাহৰুখে ছ’চিয়েল মিডিয়াত নতুন গীতটিৰ টিজাৰ ভিডিঅ’টো শ্বেয়াৰ কৰি কৈছিল যে এই গীতটো অহা ১৪ আগষ্টত মুক্তি পাব । গীতটিৰ শিৰোনাম হৈছে চালেয়া তেৰী অৰ । ভিডিঅ’টোত নয়ন্তৰাৰ সৈতে ৰোমান্টিক ৰূপত দেখা গৈছে এছ আৰ কেক । এতিয়া এই গীতটিৰ আন এটা নতুন টিজাৰ আজি মুকলি কৰিছে মেকাৰে ।
চালেয়া তেৰী অৰ টিজাৰ
যদিও জৱান ছবিখন এখন একচনেৰে ভৰপূৰ ছবি, কিন্তু এইখিনিতে এটা কথা উল্লেখ কৰিব লাগিব যে য’ত শ্বাহৰুখ আছে তাত ৰোমাঞ্চ হোৱাটো নিশ্চিত । গীতটিৰ নতুন টিজাৰত শ্বাহৰুখক ৰোমান্টিক হোৱা দেখা গৈছে । সাগৰৰ পৰা পথৰ দাঁতিলৈকে এক আভাস, য’ত শ্বাহৰুখক নৃত্য কৰি থকা দেখা গৈছে ৷ জৱানৰ টিজাৰ আৰু প্ৰিভিউত আমি কিং খানৰ খলনায়ক অৱতাৰটো দেখিছিলোঁ যদিও এই গীতটোত তেওঁক তেওঁৰ পুৰণি ছবিৰ শ্বাহৰুখৰ দৰেই দেখা গৈছে । ইয়াৰ লগতে নয়ন্তৰাকো দেখা ৰোমাঞ্চ কৰা । কিন্তু সম্পূৰ্ণ গীতটি উপভোগ কৰিবলৈ আপুনি অপেক্ষা কৰিব লাগিব মাত্ৰ এটা দিন ।
সংবাদ মাধ্যমৰ বাতৰি অনুসৰি জৱানত প্ৰায় ৬ টা গীত থাকিব । অৱশ্যে এতিয়াও ছবিখন মুক্তিৰ বাবে এমাহ বাকী আছে । এটলীৰ পৰিচালনাত নিৰ্মিত এই ছবিখন অহা ৭ ছেপ্টেম্বৰত ছবিগৃহত মুক্তি পাব। এই ছবিখনত দীপিকা পাডুকনকো দেখা যাব । কেমিঅ’ ৰ’লত দেখা যাব অভিনেত্ৰীগৰাকীক । আনহাতে এছ আৰ কেৰ বিষয়ে কোৱা হৈছে যে তেওঁ দুটা চৰিত্ৰত অভিনয় কৰিব ছবিখনত ৷
লগতে পঢ়ক:Shah Rukh Khan: জৱানৰ বাবে কিয় টকলা হ’ল শ্বাহৰুখ খান ? অনুৰাগীৰ প্ৰশ্নত কিং খালে দিলে উত্তৰ
