চিটাৰা ডেস্ক, 16 মে’: উন্মোচন হ’ল বলীউডৰ কিং খানৰ পত্নী গৌৰী খানৰ নতুন কফি টেবুল বুক (Gauri Khan coffee table book) । গ্ৰন্থ উন্মোচনী অনুষ্ঠানত শ্বাহৰুখ খান আৰু গৌৰী খানে নিজৰ ব্যক্তিগত জীৱনৰ বহু কথাই সংবাদ মাধ্যমৰ সন্মুখত প্ৰকাশ কৰে । শ্বাহৰুখ খানে কয় যে যেতিয়া তেওঁ ‘মন্নত’ ক্ৰয় কৰিছিল তেতিয়া তেওঁৰ হাতত নাছিল পৰ্যাপ্ত পৰিমাণে ধন, সেয়েহে আৰ্থিক অনাটনৰ বাবে গৌৰীয়ে নিজেই ঘৰৰ ভিতৰৰ অংশ সজাবলগীয়া হৈছিল (Financial Crisis For Shahrukh Khan)।
উল্লেখ্য যে, গৌৰী খানৰ নতুন টেবুল বুকখনৰ নাম ‘মাই লাইফ ইন এ ডিজাইন’, (My Life In Design) য’ত তেওঁৰ ঘৰৰ ‘মন্নত’ৰ কিছু অভ্যন্তৰীণ ছবি আৰু কিং খানৰ পৰিয়ালৰ কিছুমান আনছিন ছবিও আছে (Shah Rukh Khan house Mannat) ।
অনুষ্ঠানৰ সময়ত গৌৰীয়ে কয় যে ‘মন্নত’ তেওঁৰ প্ৰথম ইণ্টেৰিয়ৰ ডিজাইনাৰ প্ৰজেক্ট । তেওঁ লগতে কয় যে এইটোৱেই তেওঁৰ আজিলৈকে আটাইতকৈ প্ৰিয় প্ৰজেক্ট । সাধাৰণ মানুহৰ জিভাত নাম ৰৈ যোৱা কেইজনমান তাৰকাৰ ভিতৰত শ্বাহৰুখ খানৰ ঘৰ ‘মন্নত’ অন্যতম (Shah Rukh Khan on Gauri Khan as designer) । ইয়াৰ ডিজাইন তেওঁৰ পত্নী গৌৰী খানৰ খানে কৰিছিল । ইণ্টেৰিয়ৰ ডিজাইনাৰ হিচাপে এইটোৱেই আছিল গৌৰী খানৰ প্ৰথম প্ৰজেক্ট। ইয়াৰ পিচত গৌৰীয়ে বহু তাৰকাৰ ঘৰৰ ডিজাইন কৰিছিল (Shahrukh Khan Financial Crisis) ।