চিটাৰা ডেস্ক, 20 ছেপ্টেম্বৰ: বলীউডৰ কিং শ্বাহৰুখ খানক লাখ লাখ হৃদয়ৰ হাৰ্টথ্ৰব বুলি গণ্য কৰা হয় । অনুৰাগীয়ে তেওঁৰ প্ৰতিটো ষ্টাইল ভাল পায় । ‘পাঠান’ আৰু ‘জৱান’ৰ দৰে ছবিৰে এই বছৰৰ সৰ্ববৃহৎ হিট ছবি দৰ্শকক উপহাৰ দিছে শ্বাহৰুখে । শেহতীয়াকৈ কিং খানে আম্বানী পৰিয়ালে আয়োজন কৰা গণেশ চতুৰ্থীৰ উদযাপনত অংশ লৈছিল ।
আম্বানী পৰিয়ালত 'খান' পৰিয়ালৰ প্ৰৱেশ
আম্বানী পৰিয়ালে প্ৰতি বছৰে গণেশ চতুৰ্থীৰ দিনা এক গ্ৰেণ্ড পাৰ্টিৰ আয়োজন কৰে, য’ত বহু তাৰকা উপস্থিত থাকে। এইবাৰো দেখা গ’ল বলীউডৰ চেলিব্ৰিটিৰ সমাৱেশ । এই সকলোবোৰৰ ভিতৰত শ্বাহৰুখৰ এণ্ট্ৰিয়ে লাইমলাইট দখল কৰে । গোটেই পৰিয়ালৰ সৈতে তেওঁ এই পাৰ্টিত অংশগ্ৰহণ কৰে । শ্বাহৰুখে কেৱল পাৰ্টিত অংশগ্ৰহণ কৰাই নহয় গণেশ বাবাৰ পূজাও কৰে ৷ গণেশ বাবাৰ পূজা কৰা ভিডিঅ’ সম্প্ৰতি ভাইৰেল হৈ পৰিছে ছ’চিয়েল মিডিয়াত ।
শ্বাহৰুখে গণেশ বাবাৰ পূজা অৰ্চনাত ব্যস্ত কিং খান
শেহতীয়া আম্বানী পৰিয়ালৰ গণেশ উদযাপনৰ পৰা শ্বাহৰুখ খানৰ এটা ভিডিঅ’ ভাইৰেল হৈ পৰিছে ৷ ভিডিঅ’টোত ইয়াত কিং খানক গণেশ বাবাক ফুল অৰ্পন কৰি পূজা কৰা দেখা গৈছে । সেই স্থানত পণ্ডিতসকলো উপস্থিত থাকে, যিয়ে শ্বাহৰুখক চুনাৰী পিন্ধাই তিলক লগায় ।