Suhana Khan instagram:কন্যা সুহানাক 2014 তে অভিনয়ৰ জাৰ্নেল এখন উপহাৰ দিছিল শ্বাহৰুখে

সুহানা খানে মঙলবাৰে এখন জাৰ্নেলৰ ফটো অনুৰাগীৰে সৈতে শ্বেয়াৰ কৰে (Suhana Khan instagram) যিখন তেওঁৰ চুপাৰষ্টাৰ পিতৃ শ্বাহৰুখ খানে 2014 চনত তেওঁৰ বাবে লিখিছিল । জীয়েকৰ পোষ্ট দেখি আৱেগিক হৈ কি ক’লে শ্বাহৰুখে জানো আহক-

চিটাৰা ডেস্ক, 21 ডিচেম্বৰ : অভিনয় জীৱনৰ অভিষেক ঘটাবলৈ সাজু হোৱা সুহানা খানে তেওঁৰ পিতৃ শ্বাহৰুখ খানে উপহাৰ দিয়া এখন জাৰ্নেলৰ ফটো শ্বেয়াৰ কৰিছে অনুৰাগীৰ সৈতে (Suhana Khan instagram) । এই ফটো ইনষ্টাগ্ৰামত শ্বেয়াৰ কৰি সুহানাই লিখিছে, ‘Tuesday Inspiration ❤️’ ।

ফটোবোৰত পৰিস্ফূত হৈছে কন্যাৰ প্ৰতি থকা পিতৃৰ মৰম ৷ কেইবাখনো ফটো ধাৰাবাহিকখন শ্বেয়াৰ কৰিছে তেওঁ ৷ কন্যাৰ এই পোষ্টটো দেখি শ্বাহৰুখে লিখিলে, "অভিনয়ৰ বিষয়ে মই নজনা সকলো কথা মই তাত ৰাখিছো তুমি শিকিবলৈ আৰু মোক পুনৰাই শিকাবলৈ, লিটল ওৱান"।

শেহতীয়াকৈ সুহানাই তেওঁৰ আগন্তুক ছবি দ্য আৰ্চিছৰ শ্বুটিং সামৰণি মাৰিছে । আইকনিক কমিক্স দ্য আৰ্চিছৰ ভাৰতীয় অভিযোজন এই ছবিখন অ’টিটি প্লেটফৰ্ম নেটফ্লিক্সত মুক্তি পাব । টাইগাৰ বেবী আৰু গ্রাফিক ইণ্ডিয়াৰ দ্বাৰা প্রযোজিত দ্য আৰ্চিছ হৈছে বয়সৰ আগমনৰ কাহিনী যিয়ে ৰিভাৰডেলৰ কিশোৰ-কিশোৰীসকলক ভাৰতৰ নতুন প্ৰজন্মৰ সৈতে পৰিচয় কৰাই দিব ।

আৰ্চিজত কেৱল শ্বাহৰুখ-গৌৰীৰ কন্যাই নহয়, অমিতাভ বচ্চনৰ নাতি অগস্ত্য নন্দ আৰু শ্ৰীদেৱী-বনী কাপুৰৰ কন্যা খুশি কাপুৰেও অভিনয় জীৱনৰ পাতনি মেলিব । ছবিখনৰ শ্বুটিং সমাপ্ত কৰাৰ পিছত জোয়াই চেটৰ পৰা ধাৰাবাহিকভাৱে কেইবাখনো ফটো শ্বেয়াৰ কৰে । ছবিখনৰ মুক্তিৰ তাৰিখ এতিয়াও প্ৰকাশ কৰা হোৱা নাই।

ইফালে, দীপিকা পাডুকন আৰু জন আব্ৰাহামৰ সৈতে পৰিচালক সিদ্ধাৰ্থ আনন্দৰ পৰৱৰ্তী ছবি পাঠানৰ প্ৰচাৰত ব্যস্ত এছ আৰ কে । এক্সন থ্ৰিলাৰ ছবিখনত শ্বাহৰুখে হত্যাৰ অনুজ্ঞাপত্ৰৰ সৈতে বন্দুক লৈ থকা চোৰাংচোৱাৰ চৰিত্ৰত অভিনয় কৰিছে । 2023 চনৰ 25 জানুৱাৰীত ছবিখনে ছবিগৃহত মুক্তি লাভ কৰিবলৈ সাজু হৈছে ।

লগতে পঢ়ক :Srk latest news:পাঠান বিতৰ্কৰ মাজতে এই তালিকাত একমাত্ৰ ভাৰতীয় হিচাপে নাম আহিল শ্বাহৰুখৰ