চিটাৰা ডেস্ক, 10 ফেব্ৰুৱাৰী :জীৱনত এবাৰ হ’লেও নিজৰ প্ৰিয় অভিনেতা-অভিনেত্ৰী গৰাকীক লগ পোৱাটো প্ৰতিজন অনুৰাগীৰে সপোন আৰু যেতিয়া এই সপোন পূৰণ হয়, তেতিয়া সেই সুখৰ কোনো সীমা নাথাকে । চুপাৰষ্টাৰসকলৰ ক্ষেত্ৰতো ঠিক একেই কথা ৷ অনুৰাগীৰ মৰমেই তেওঁলোকৰ জীৱন ভৰাই ৰাখে ৷ তেওঁলোকে যেতিয়া নিজৰ অনুৰাগীক লগ পায়, অনুৰাগীৰ পৰা মৰম, শ্ৰদ্ধা, উপহাৰ আদি পাই তেতিয়া তেওঁলোকৰো সুখ দুগুণ হয় । দক্ষিণ চলচ্চিত্ৰ জগতৰ জনপ্ৰিয় অভিনেতা ৰামচৰণে লগ পাইছে তেওঁৰ এজন বিশেষ অনুৰাগীক (Ram Charan met special fan ) । এজন 9 বছৰীয়া সৰু কেন্সাৰ আক্ৰান্ত অনুৰাগী । ৰামে অনুৰাগীক লগ পোৱা এই ফটো ছ’চিয়েল মিডিয়াত তীব্ৰভাৱে ভাইৰেল হৈ পৰিছে ।
কণমানি অনুৰাগীৰ ইচ্ছা পূৰণ কৰিলে ৰামচৰণে
আপোনালোকক জনাওঁ যে 37 বছৰীয়া অভিনেতা গৰাকীৰ নম্ৰ আৰু হৃদয়স্পৰ্শী ব্যক্তিত্বই তেওঁৰ অনুৰাগীৰ হৃদয়ত তেওঁৰ বাবে এক বিশেষ স্থান গঢ়ি তুলিছে । ইফালে ৰামচৰণৰ নিজৰ অনুৰাগীক লৈ এই মানৱীয় ব্যৱহাৰে আৰু অধিক অনুৰাগীৰ হৃদয়ত গভীৰ স্থান দখল কৰিছে (Ramcharan Fan Moment) ৷ শেহতীয়াকৈ ৰামচৰণে কেন্সাৰ ৰোগত আক্ৰান্ত 9 বছৰীয়া এটি শিশুৰ ইচ্ছা পূৰণ কৰিছে । সৰু শিশুটিৰ চুপাৰষ্টাৰ জনক লগ পোৱাৰ ইচ্ছা আছিল, যিটো ৰামচৰণে পূৰণ কৰিলে আৰু হৃদয়স্পৰ্শী ফটোবোৰ এতিয়া ছ’চিয়েল মিডিয়াত তীব্ৰ ৰূপত ভাইৰেল হৈ পৰিছে । চলচ্চিত্ৰ নিৰ্মাতা শিৱ চেৰীয়ে নিজৰ টুইটাৰ হেণ্ডেলত এই মুহূৰ্তৰ ফটো শ্বেয়াৰ কৰিছে ।
মণি কুশল ৰাম চৰণৰ ডাঙৰ অনুৰাগী