চিটাৰা ডেস্ক, 26 জানুৱাৰী :জীৱনৰ আন এটা অধ্যায়ৰ পাতনি মেলিলে দক্ষিণৰ অভিনেতা শৰ্ৱানন্দ মাইনেনীয়ে (South actor Sharwanand) ৷ তামিল চলচ্চিত্ৰ জগতৰ এই সুদৰ্শন অভিনেতাজনৰ জীনৱলৈ আহিল এগৰাকী সুন্দৰী নাৰী ৷ শেহতীয়াকৈ হায়দৰাবাদত ৰক্ষিতা ৰেড্ডীৰ সৈতে বাগদান হয় অভিনেতা শৰ্ৱানন্দৰ । কোন এই ৰক্ষিতা ৰেড্ডী ? উচ্চ ন্যায়ালয়ৰ অধিবক্তা মধুসুদন ৰেড্ডীৰ কন্যা তথা ৰাজনীতিবিদ ভোজলা গোপাল কৃষ্ণ ৰেড্ডীৰ নাতিনী ৰক্ষিতা ৰেড্ডী ৷
শৰ্ৱানন্দ আৰু ৰক্ষিতাৰ বাগদানৰ ছবি হায়দৰাবাদত পৰিয়াল আৰু চলচ্চিত্ৰ জগতৰ বন্ধুবৰ্গৰ সৈতে এই বাগদান অনুষ্ঠান সম্পন্ন হৈ যায় ৷ আৰ আৰ আৰৰ অভিনেতা ৰাম চৰণ আৰু তেওঁৰ গৰ্ভৱতী পত্নী উপসনা কামিনেনীও অভিনেতাগৰাকীৰ এংগেজমেণ্ট অনুষ্ঠানত অংশগ্ৰহণ কৰে । বৰ্তমানে প্ৰেমৰ বাতৰিৰে চৰ্চাত থকা অদিতি ৰাও আৰু সিদ্ধাৰ্থও একেলগে উপস্থিত হয় অনুষ্ঠানত ৷ বাগদান হোৱা যুটিৰ লগতে এই দুই তাৰকাই দৃষ্টি আকৰ্ষণ কৰে সকলোৰে ৷ অতি সোনকালেই শৰ্ৱানন্দ আৰু ৰক্ষিতাৰ বিয়া হ’ব বুলি খবৰ ওলাইছে । এংগেজমেণ্টত ৰাম চৰণ আৰু তেওঁৰ গৰ্ভৱতী পত্নী উপাসনা কামিনেনী দুয়োজনে এজনে আনজনৰ সৈতে মিলাই গুলপীয়া ৰঙৰ সাজ-পোছাক পৰিধান কৰিছিল ।
শৰ্ৱানন্দৰ বিবাহ আৰু এংগেজমেণ্টৰ খবৰ ছ’চিয়েল মিডিয়াত তীব্ৰভাৱে ভাইৰেল হৈ পৰিছিল । ইফালে অভিনেতাগৰাকীয়ে এংগেজমেণ্টৰ ছবি শ্বেয়াৰ কৰি অনুৰাগীসকলক নিজেই এই খবৰৰ বিষয়ে অৱগত কৰিছে । শ্বেয়াৰ কৰা ছবিসমূহত দুয়োজনে ইজনে সিজনৰ হাতত ধৰি আনন্দৰে হাঁহি থকা দেখা গৈছে । অভিনেতাগৰাকীয়ে নিজৰ ইনষ্টাগ্ৰাম একাউণ্টত এই ছবি শ্বেয়াৰ কৰি কেপচনত মাত্ৰ যুটি আৰু ৰঙা হৃদয়ৰ ইম’জীহে দিছিল । দ্বিতীয়খন মন’ক্ৰম মৰমলগা ছবিৰ সৈতে তেওঁ লিখিছিল ‘মই নিজৰ বাবে কাৰোবাক বিচাৰি পাইছো’ । ছবিসমূহ শ্বেয়াৰ কৰাৰ লগে লগে অনুৰাগীকে ধৰি তেওঁলোকৰ শুভাকাংক্ষীয়ে অভিনন্দন জনাই শুভেচ্ছাৰে ভৰাই তুলিছে ছ’চিয়েল মিডিয়া হেণ্ডেল ।
ৰক্ষিতা ৰেড্ডী উচ্চ ন্যায়ালয়ৰ অধিবক্তা মধুসুদন ৰেড্ডীৰ কন্যা আৰু ৰাজনীতিবিদ ভোজলা গোপাল কৃষ্ণ ৰেড্ডীৰ নাতিনী (Rakshita Reddy) । দীৰ্ঘদিন ধৰি ছ’চিয়েল মিডিয়াত তেওঁলোকৰ বিবাহৰ খবৰ ট্ৰেণ্ড হৈ আছিল । ইফালে শৰ্ৱানন্দৰ ৱৰ্কফ্ৰন্টৰ কথা ক’বলৈ গ’লে তেওঁক দেখা গৈছিল ‘কানাম’ত । ইয়াৰ উপৰিও তেওঁ অতি সোনকালে অভিনেতা কৃষ্ণ চৈতন্যৰ পৰিচালিত এখন ছবিত অভিনয় কৰিব । ছবিখনত দক্ষিণৰ অভিনেত্ৰী ৰাশি খান্নাই তেওঁৰ সৈতে পৰ্দাৰ স্থান ভাগ-বতৰা কৰা দেখা যাব ।
লগতে পঢ়ক :Republic Day 2023: ভাৰত মাতৃক সন্মান জনাই সজোৱা কেইটামান বলীউডৰ গীত
