চিটাৰা ডেস্ক, 2 আগষ্ট : বলীউডৰ অভিনেতা চনু চুডৰ মহানুভৱতাক প্ৰতিজন ভাৰতীয়ই শ্ৰদ্ধা কৰে । মহামাৰীৰ সময়ছোৱাত আৰ্তজনক পাৰ্যমানে সহায় কৰিলে চনুৱে । ৩০ জুলাইত অভিনেতা গৰাকীয়ে ৪৯ সংখ্যক জন্মদিন উদযাপন কৰে (Sonu Sood birthday) । এই শুভ দিনটোত অভিনেতা গৰাকীৰ হাজাৰ হাজাৰ অনুৰাগী তেওঁৰ ঘৰৰ বাহিৰত গোট খাইছিল তেওঁক এপলক সন্মুখৰ পৰা চাবলৈ ৷
এতিয়া ডুবাইৰ পৰা এটা ভিডিঅ’ প্ৰকাশ হৈছে য’ত এটা আকাশচুম্বী বিল্ডিঙত অভিনেতাগৰাকীৰ ছবি প্ৰদৰ্শন কৰি অনুৰাগীসকলে তেওঁক জন্মদিনৰ শুভেচ্ছা যাচিছে ৷
ডুবাইলৈ যোৱা চনু চুডক উষ্ম আদৰণি জনালে অনুৰাগীয়ে । অনুৰাগীসকলে তেওঁৰ জন্মদিনৰ বাবে অভিনন্দন জনাই অভিনেতাগৰাকীৰ এখন ফটো ডুবাইৰ চিটি স্কাইস্ক্ৰেপাৰ বিল্ডিঙত প্ৰদৰ্শন কৰে । ইয়াত চনু চুডে তেওঁৰ অনুৰাগীসকলক সম্ভাষণ জনাই আৰু অনুৰাগীসকলেও চনু চুডৰ সৈতে মন সুখী কৰি ফটো তোলে ।