চিটাৰা ডেস্ক, 1 আগষ্ট: আমাজন প্ৰাইম ভিডিঅ’ৰ ৱেব ছিৰিজ ‘মেড ইন হেভেন’ৰ দ্বিতীয় ছিজন এতিয়াও চৰ্চাত ৷ ২০১৯ চনত ধাৰাবাহিকখনৰ প্ৰথম ছিজন মুকলি হৈছিল আৰু দৰ্শকেও পছন্দ কৰিছিল ধাৰাবাহিকখন ৷ ধাৰাবাহিকখনে ভাল ৰেটিং লাভ কৰাৰ বাবেই নিৰ্মাতাসকলে নতুন ছিজনৰ ঘোষণা কৰিছিল।
শেহতীয়াকৈ মুকলি কৰা হৈছিল ‘মেড ইন হেভেন ২’ৰ ৰিকেপ ভিডিঅ’। একে সময়তে এতিয়া মুক্তি পালে ধাৰাবাহিকখনৰ ট্ৰেইলাৰ । নতুন দিল্লীৰ পটভূমিত নিৰ্মিত এই ধাৰাবাহিকখনত চহৰখনত আয়োজন কৰা ভাৰতীয় বিয়া সুন্দৰভাৱে দেখুওৱা হয় ৷
বহু অভিনেতাৰ কেমিঅ’ থাকিব ধাৰাবাহিকখনত
আন্তঃৰাষ্ট্ৰীয় এমি মনোনীত ধাৰাবাহিকখনৰ নতুন ছিজনত পূৰ্বৰ ছিজনৰ দৰেই কেইবাটাও কেমিঅ’ দেখা পোৱা যাব ৷
চাৰিগৰাকী পৰিচালকে পৰিচালনা কৰিছে এই ধাৰাবাহিকখন
OTT প্লেটফৰ্ম Amazon Prime Video ত মুক্তি পাব মেড ইন হেভেন ২। ইয়াৰ ট্ৰেইলাৰৰ পৰা স্পষ্ট যে ডাঙৰ বাজেটত নিৰ্মাণ কৰা হৈছে ধাৰাবাহিকখন । এই ধাৰাবাহিকখন পৰিচালনা কৰিছে চাৰিগৰাকী সুপৰিচিত পৰিচালকে । ইয়াৰ ভিতৰত আছে জোয়া আখতাৰ, অলংকৃতা শ্ৰীবাস্তৱ, নীৰজ ঘায়ৱান আৰু নিত্য মেহৰা । ট্ৰেইলাৰত দেখা গৈছে যে ইয়াত সমকামিতা, বৰ্ণবৈষম্য, বিবাহিত সম্পৰ্ক, মাতৃ-পুত্ৰৰ সম্পৰ্ক, ঘৰুৱা হিংসা আদি বহু বিষয় উত্থাপন হৈছে। মূল চৰিত্ৰক কেন্দ্ৰ কৰি এই চৰিত্ৰবোৰৰ জীৱনৰ জৰিয়তে সমাজৰ সত্যতা দেখুৱাবলৈ চেষ্টা কৰা হৈছে।
‘মেড ইন হেভেন ২’ত পুনৰবাৰ মুখ্য চৰিত্ৰত অভিনয় কৰিব শোভিতা ধূলিপালা আৰু অৰ্জুন মাথুৰে । এইসকলৰ উপৰিও জিম চাৰাভ, কল্কি কোয়েচলিন, শশাংক অৰোৰা, শিৱানী ৰঘুবংশী আৰু বিজয় ৰাজকো এই ধাৰাবাহিকত দেখা যাব । নতুন অভিনেতাসকলৰ কথা ক’বলৈ গ’লে দ্বিতীয় ছিজনত মোনা সিং, ইশ্বক সিং আৰু ত্ৰিনেত্ৰা হালদাৰো আছে ।
কেতিয়া মুক্তি পাব ধাৰাবাহিকখন ?
'মেড ইন হেভেন ২' ৰ সাতটা খণ্ড দেখুওৱা হ’ব আৰু ইয়াত কেইবাটাও নতুন কাহিনী সন্নিবিষ্ট কৰা হৈছে। অলংকৃত শ্ৰীবাস্তৱ, নীৰজ ঘায়ৱান, নিত্য মেহৰা, ৰীমা কাগতি আৰু জোয়া আখতাৰে পৰিচালনা কৰা এই ধাৰাবাহিকখন যৌথভাৱে প্ৰযোজনা কৰিছে ৰিতেশ সিধৱানী - ফাৰহান আখতাৰৰ এক্সেল মিডিয়া এণ্ড এণ্টাৰটেইনমেণ্ট আৰু জোয়া আখতাৰ - ৰীমা কাগতিৰ টাইগাৰ বেবী প্ৰডাকচন হাউছে । ১০ আগষ্টত আমাজন প্ৰাইম ভিডিঅ’ত বিশ্বজুৰি প্ৰচাৰ হ’ব ‘মেড ইন হেভেন ২’।
লগতে পঢ়ক:Dream Girl 2 Teaser Out: আয়ুষ্মান খুৰানাৰ ড্ৰিম গাৰ্ল ২ ৰ টিজাৰ মুকলি, ৰঙা শাৰীত আহি গ’ল পূজা
