চিটাৰা ডেস্ক, 11 ফেব্ৰুৱাৰী : নৱবিবাহিত দম্পতি সিদ্ধাৰ্থ মালহোত্ৰা আৰু কিয়াৰা আদৱানীয়ে যদিও জয়সালমেৰত এক অন্তৰংগ অনুষ্ঠানত বিবাহপাশত আবদ্ধ হয়(Sidharth Malhotra Kiara Advani wedding), তথাপিও কিন্তু মুম্বাইত তেওঁলোকে চলচ্চিত্ৰ উদ্যোগৰ বন্ধুসকলৰ বাবে অভ্যৰ্থনা অনুষ্ঠানৰ আয়োজন নকৰাকৈ থকা নাই ৷ জানিব পৰা মতে এক বিশাল আয়োজন চলিছে ৷ সূৰ্যগড় প্ৰাসাদত তেওঁলোকৰ আড়ম্বৰপূৰ্ণ বিবাহৰ পিছত দিল্লীত দৰাৰ বাসগৃহলৈ যোৱা দম্পতীহালে তেওঁলোকৰ "চলচ্চিত্ৰ পৰিয়াল"ৰ বাবে এক বিশাল অভ্যৰ্থনা অনুষ্ঠান ৰাখিছে ।
শনিবাৰে মুম্বাইলৈ যাত্ৰা কৰিব সিদ্ধাৰ্থ আৰু কিয়াৰাই (Sidharth Malhotra Kiara Advani latest news) ৷ দ্বিতীয়টো অভ্যৰ্থনা অনুষ্ঠানত বলীউডৰ চেলেব্ৰিটী সকল উপস্থিত থাকিব । 9 ফেব্ৰুৱাৰীত দিল্লীৰ দ্য লীলা পেলেচত দৰা পৰিয়ালৰ বাবে প্ৰথমটো অভ্যৰ্থনা অনুষ্ঠান অনুষ্ঠিত হৈ যায় । 12 ফেব্ৰুৱাৰীত মুম্বাইৰ ছেইণ্ট ৰেজিছ হোটেলত অনুষ্ঠিত হ’ব এই বিবাহৰ দ্বিতীয়টো অভ্যৰ্থনা অনুষ্ঠান (Sid Kiara Mumbai reception date) । অনুষ্ঠানটো নিশা 8:30 বজাৰ পৰা আৰম্ভ হ'ব (Sidharth Malhotra Kiara Advani Mumbai reception)।
আমোদজনকভাৱে এই অনুষ্ঠানৰ নিমন্ত্ৰণী পত্ৰ অনলাইনত ফাদিল হৈছে । এটা ৱেবলয়ডে তেওঁলোকৰ ছ’চিয়েল মিডিয়া হেণ্ডেলত সিদ-কিয়াৰাৰ মুম্বাই অভ্যৰ্থনা অনুষ্ঠানৰ আমন্ত্ৰণী পত্ৰখন শ্বেয়াৰ কৰিছে ৷ আমন্ত্ৰণী পত্ৰখন তাৰ পিছত সকলো ছ’চিয়েল নেটৱৰ্কিং চাইটতে ভাইৰেল হৈ পৰা দেখবলৈ পোৱা গৈছে । কাৰ্ডখনত সিদ্ধাৰ্থ আৰু কিয়াৰাৰ বিয়াৰ হাঁহিমুখীয়া ছবিখন দেখুওৱা হৈছে । ইয়াত তাৰিখ, সময় আৰু স্থানৰ সবিশেষ উল্লেখ কৰা হৈছে ।