চিটাৰা ডেস্ক, 14 এপ্ৰিল: অতি শীঘ্ৰেই ছবিগৃহত মুক্তি লাভ কৰিব বলীউডৰ ছুপাৰষ্টাৰ ছলমান খানৰ আগন্তুক ছবি ‘কিছি কা ভাই কিছি কি জান’। ছবিখন মুক্তি পাবলৈ মাজত মাত্ৰ এসপ্তাহ বাকী আছে (KKBKKJ cast in Kapil Sharma Show)। এনে পৰিস্থিতিত ছলমান খানে তেওঁৰ সমগ্ৰ দলৰ সৈতে পূৰ্ণ গতিত ছবিখনৰ প্ৰচাৰ চলাই থকা পৰিলক্ষিত হৈছে । এইখিনিতে উল্লেখ কৰিব লাগিব যে ছবিখনৰ জৰিয়তে বলীউডত আত্মপ্ৰকাশ কৰিব শ্বেহনাজ গীল, পলক তিৱাৰীয়ে ৷
শেহতীয়াকৈ অভিনেতাগৰাকীয়ে ছবিখনৰ প্ৰচাৰৰ বাবে ছবিখনত অভিনয় কৰা কাষ্টৰ সৈতে জনপ্ৰিয় কমেডিয়ান কপিল শৰ্মাৰ শ্ব’ ‘দ্য কপিল শৰ্মা শ্ব’’ত উপস্থিত হয় (Shehnaaz in Kapil Sharma) । দ্য কপিল শৰ্মা শ্ব’ত শ্বেহনাজ গীলে ছলমান খানৰ বিষয়ে এক ডাঙৰ কথা প্ৰকাশ কৰে । শ্বেহনাজে কয় যে তেওঁ নজনাকৈয়ে ছলমান খানৰ নম্বৰটো ব্লক কৰিছিল (Salman Shehnaaz)।
শ্বেহনাজে কিয় ব্লক কৰিছিল ছলমান খানৰ নম্বৰ ?
শ্বেহনাজ গীলে শ্ব’টোত কয় যে অমৃতসৰত থকাৰ সময়ত তেওঁক ছলমান খান নামেৰে এটা ফোন আহিছিল । কলত শ্বেহনাজক কিচি কা ভাই কিচি কি জান ছবিখনৰ প্ৰস্তাৱ দিয়া হৈছিল । কিন্তু শ্বেহনাজে কয় যে এনে অফাৰৰ বহু ফোন আহি থাকে আৰু এই বুলি কৈ নম্বৰটো ব্লক কৰি দিয়ে । ইয়াৰ পিচত শ্বেহনাজক এটা মেছেজ আহে যে ছলমান খানে তেওঁৰ সৈতে যোগাযোগ কৰিবলৈ চেষ্টা কৰিছে (Shehnaaz gill blocked Salman khans number)।