Bigg Boss 13 : সিদ্ধাৰ্থক বিগ বছ 13ৰ ফিক্সড বিজয়ী বুলি ক’লে অসীমে, এই সন্দৰ্ভত শ্বেহনাজৰ প্ৰতিক্ৰিয়া

পুনৰ চৰ্চাত Colors Tv ৰ জনপ্ৰিয় শ্ব’ বিগ বছ ছিজন 13 ৷ বিগ বছৰ 16 টা ছিজনৰ ভিতৰত বিগ বছ 13 ছিজন আছিল অন্যতম জনপ্ৰিয় ৷ তাৰ কাৰণ আছিল শ্বেহনাজ গিল, সিদ্ধাৰ্থ শুক্লা আৰু অসীম ৰিয়াজ ৷ শেহতীয়াকৈ অসীমে সিদ্ধাৰ্থৰ সন্দৰ্ভত মন্তব্য কৰি সমালোচনাৰ সন্মুখীন হ’ব লগা হৈছে ৷ অসীম ৰিয়াজে সিদ্ধাৰ্থ শুক্লাক বিগ বছ ১৩ৰ ‘ফিক্সড’ বিজয়ী বুলি অভিহিত কৰাৰ পিচতে শ্বেহনাজ গিলে ব্যক্ত কৰিছে প্ৰতিক্ৰিয়া ৷

চিটাৰা ডেস্ক, 27 ফেব্ৰুৱাৰী: বলীউডৰ ভাইজান ছলমান খানৰ আটাইতকৈ জনপ্ৰিয় টিভি ৰিয়েলিটি শ্ব’ হৈছে বিগ বছ ৷ বৰ্তমানলৈকে বিগ বছৰ 16 টা ছিজন সমাপ্ত হৈছে ৷ Colors Tv ৰ জনপ্ৰিয় শ্ব’ বিগ বছৰ 16 টা ছিজনৰ ভিতৰত অন্যতম আছিল Bigg Boss 13 ৷ বিগ বছ 13 বুলি ক’লেই হয়তো সকলোৰে মনলৈ আহে কেইটামান বিশেষ নাম ৷ সেয়া হৈছে শ্বেহনাজ গিল, সিদ্ধাৰ্থ শুক্লা আৰু অসীম ৰিয়াজ ৷ বিগ বছ 13 ত এক প্ৰকাৰে ৰাজ কৰিছিল শ্বেহনাজ-সিদ্ধাৰ্থ অৰ্থাৎ Sidnaaz যুটিয়ে ৷ শেহতীয়াকৈ পুনৰবাৰ লাইমলাইটলৈ আহিছে Bigg Boss 13 ৷

সিদ্ধাৰ্থ শুক্লা, শ্বাহনাজ গিল আৰু অসীম ৰিয়াজ পুনৰবাৰ লাইমলাইটলৈ আহিছে । কিন্তু আপুনি হয়তো ভাবিছে সিদ্ধাৰ্থ শুক্লা বৰ্তমান আমাৰ মাজত নাই গতিকে কেনেকৈ সিদ্ধাৰ্থ চৰ্চাত আহিব পাৰে ৷ হয়, বিগ বছ 13ৰ বিজয়ী সিদ্ধাৰ্থৰ আকস্মিক মৃত্যুই হতচকিত কৰিছিল সকলোকে ৷ লাখ লাখ অনুৰাগীক কন্দুৱাই গুচি গৈছিল অভিনেতা সিদ্ধাৰ্থ ৷ কিন্তু মৃত্যুৰ পিচতো তেওঁৰ অনুৰাগীয়ে প্ৰত্যেক দিনাই ছ’চিয়েল মিডিয়াযোগে পোষ্ট কৰি তেওঁক সোঁৱৰণ কৰিছিল ৷ কাৰণ বিগ বছ 13ৰ জৰিয়তে সকলোৰে হৃদয় জিকিবলৈ সক্ষম হৈছিল সিদ্ধাৰ্থই (Shehnaaz Gill on Asim Riaz) ৷

কিন্তু সিদ্ধাৰ্থৰ মৃত্যুৰ ডেৰ বছৰৰ পাচত পুনৰ এবাৰ চৰ্চালৈ আহিছে সিদ্ধাৰ্থৰ নাম (Sidharth Shuklas Bigg Boss 13 win was rigged) ৷ ইয়াৰ কাৰণ হ’ল বিগ বছ 13ৰ প্ৰথম ৰানাৰ্ছ আপ অসীম ৰিয়াজ ৷ অসীমে শেহতীয়াকৈ সিদ্ধাৰ্থ শুক্লাক লৈ এক চাঞ্চল্যকৰ মন্তব্য কৰিছে ৷ অসীমে সিদ্ধাৰ্থক বিগ বছ 13ৰ ফিক্সড বিজয়ী বুলি উল্লেখ কৰিছে ৷ অসীমৰ এই মন্তব্য়ৰ পিচতেই শুক্লাৰ বিশেষ বন্ধু তথা প্ৰেমিকা শ্বেহনাজ গিলে এই সন্দৰ্ভত প্ৰতিক্ৰিয়া প্ৰকাশ কৰিছে (Asim Riaz claims Bigg Boss was rigged) ৷

অসীম ৰিয়াজক শেহতীয়া এক সাক্ষাৎকাৰত সিদ্ধাৰ্থ শুক্লাৰ বিষয়ে সোধা হৈছিল, তেতিয়া তেওঁ কয়," সিদ্ধাৰ্থ শুক্লাৰ মৃত্যুৰ নিশা তেওঁ মোৰ সপোনত আহিছিল আৰু মই অনুভৱ কৰিছিলো যে একো ঠিক নহয়, সিদ্ধাৰ্থই মোক সাৱটি ধৰিছিল । তাৰ পিচত মোৰ বন্ধুৰ পৰা ফোন আহে, তেওঁ কয় যে, টিভি অন কৰি বাতৰি চোৱা ৷ যেতিয়া মই টিভিটো অন কৰিলোঁ, মই অজ্ঞান হৈ পৰিলোঁ, বিশ্বাস কৰিব পৰা নাছিলো যে সিদ্ধাৰ্থৰ লগত এনেকুৱা হৈছে ।"

বিগ বছ ১৩ ত সিদ্ধাৰ্থ-অসীমৰ মাজত মিল নাছিল

বিগ বছ 13ত সিদ্ধাৰ্থ আৰু অসীমৰ মাজৰ সম্পৰ্ক প্ৰথম অৱস্থাত ঠিকেই আছিল যদিও পৰৱৰ্তী সময়ত তেওঁলোকৰ মাজত যথেষ্ট কাজিয়া হ’বলৈ ধৰে ৷ বিগ বছৰ ঘৰত দুয়োৰে মাজত বহু কাজিয়া হৈছিল আৰু শ্ব’ৰ নিয়মৰ বিৰুদ্ধে গৈ দুয়োৰে মাজত কাজিয়া হৈছিল । সকলোৱে ভাবিছিল যে বিগ বছ 13 ৰ খিতাপ দখল কৰিব অসীম ৰিয়াজে । শেষত খিতাপৰ যুঁজত সিদ্ধাৰ্থ আৰু অসীমৰ মুখামুখি হয় আৰু সিদ্ধাৰ্থই ট্ৰফী লাভ কৰে ।

সিদ্ধাৰ্থক ফিক্সড বিজয়ী বুলি কোৱাত ক্ষুব্ধ হৈ পৰে শ্বেহনাজ

সেই সাক্ষাৎকাৰটোত অসীমে এইটোও কৈছিল যে শ্ব’ মেকাৰসকলে ফিনালেৰ শেষৰ ১৫ মিনিটত লাইভ ভোটিং কৰি তেওঁৰ সৈতে অন্যায় কৰিছিল আৰু তেওঁ পৰাস্ত হৈছিল (Sidharth Shuklas Bigg Boss 13 win was rigged) । অসীমে সিদ্ধাৰ্থক নিৰ্দিষ্ট বিজয়ী বুলি অভিহিত কৰে ৷ এই সন্দৰ্ভত শ্বেহনাজ গিলৰ প্ৰতিক্ৰিয়াই সকলোকে স্তম্ভিত কৰি তুলিছে ।

খবৰ অনুসৰি জানিব পৰা মতে, শ্বেহনাজ গিল পূৰ্বৰ দৰে হৈ থকা নাই, শ্বেহনাজ এতিয়া পৰিপক্ক হৈ পৰিছে, শ্বেহনাজে আজে-বাজে কথাৰ প্ৰতি কোনো গুৰুত্ব নিদিয়ে আৰু আজে বাজে কথাত মৌনতা অৱলম্বন কৰাটো বুদ্ধিমানৰ কাম বুলি ভাৱে শ্বেহনাজে ।

লগতে পঢ়ক:Hrithik Roshan and Saba Azad Liplock: হৃতিক-ছাবাৰ চুম্বনৰ ভিডিঅ’ ভাইৰেল ছ’চিয়েল মিডিয়াত