চিটাৰা ডেস্ক, 17 ফেব্ৰুৱাৰী :বলীউড তাৰকা কাৰ্তিক আৰ্য়ান আৰু কৃতি সেনন অভিনীত ছবি ‘শ্বেহজাদা’ ই আজি ছবিগৃহত মুক্তি লাভ কৰিছে । ‘লুকা চুপ্প্পী’ ৰ পিচতে ৰোহিত ধৱনৰ পৰিচালনাত দ্বিতীয়খনৰ ছবিত একেলগে স্ক্ৰীণ শ্বেয়াৰ কৰিছে কৃতি-কাৰ্তিকে । বৃহস্পতিবাৰে ছবিখনৰ মুক্তিৰ এদিন পূৰ্বে ‘শ্বেহজাদা’ ছবিখনৰ নিৰ্মাতাসকলে মুম্বাইত ছবিখনৰ বিশেষ প্ৰদৰ্শনৰ আয়োজন কৰে (shehzada special screening), য’ত কাৰ্তিক আৰু কৃতিৰ লগতে অৰ্জুন কাপুৰ, বৰুণ ধৱন, পত্নী মীৰা ৰাজপুতৰ সৈতে শ্বাহিদ কাপুৰকে আদি কৰি হুমা কুৰেছিৰ দৰে চেলেব্ৰিটীয়ে অংশগ্ৰহণ কৰে । এই বিশেষ প্ৰদৰ্শনৰ পিচত ছ’চিয়েল মিডিয়াত শ্বাহিদৰ এটা ভিডিঅ’ প্ৰকাশ দেখিবলৈ পোৱা গৈছে, য’ত থিয়েটাৰৰ ভিতৰত অভিনেতাজনক অনুৰাগীয়ে ঘেৰি ৰাখিছে ।
কাৰ্তিক আৰ্য়ানৰ ছবি ‘শ্বেহজাদা’ৰ প্ৰিমিয়াৰৰ বাবে মুম্বাইৰ জুহুত থকা মাল্টিপ্লেক্সলৈ গৈছিল শ্বাহিদ কাপুৰ । এই সময়ছোৱাত পৰ্দাত ‘জব উই মেট’ চলি থকাৰ সময়তে অভিনেতা গৰাকী সকলোকে আচৰিত কৰি নিজৰ অনুৰাগীৰ সন্মুখলৈ আহিছিল । শ্বাহিদক থিয়েটাৰত দেখি অনুৰাগীসকল উৎফুল্লিত হৈ পৰিছিল । ছ'চিয়েল মিডিয়াত ক্ৰমাৎ ভাইৰেল হৈ পৰিছে শ্বাহিদ কাপুৰৰ এই ভিডিঅ'টো ।
শ্বাহিদৰ এই ভিডিঅ’টো শ্বেয়াৰ কৰি এজন অনুৰাগীয়ে লিখিছে, "মই এইমাত্ৰ শ্বাহিদ কাপুৰক লগ পালো । ‘জব উই মেট’ৰ শেষৰ দিনা শেষৰ শ্ব’ আৰু ‘মৌজা হি মৌজা’ৰ সময়ত তেওঁ আমাক লগ কৰিবলৈ থিয়েটাৰলৈ আহিছিল । এতিয়াও বুজি পোৱা নাই কি হ’ল এইমাত্ৰ কিন্তু কেতিয়াও ভবা নাছিলো যে এনেকুৱা হ’ব । তেওঁ মোৰ বাবে ‘জব উই মেট’ক অধিক বিশেষ কৰি তুলিলে" (Shahid Kapoor Jab We Met Viral video) ।