চিটাৰা ডেস্ক, ১৮ ডিচেম্বৰ: ৰাজকুমাৰ হিৰাণীৰ ছবি ‘ডাংকি’ৰ গ্ৰেণ্ড মুক্তিৰ বাবে আৰম্ভ হৈছে তিনিদিনীয়া কাউণ্টডাউন । ইতিমধ্যেই আৰম্ভ হৈছে ছবিখনৰ অগ্ৰিম বুকিং । ইফালে শ্বাহৰুখ খানৰ ছবি ‘ডাংকি’ৰ সৈতে জড়িত এটা নতুন আপডেট আহিছে আৰু কোৱা হৈছে যে দুবাইস্থিত ইউ এ ইৰ Voc চিনেমাত চেন্সৰ ব’ৰ্ডৰ প্ৰদৰ্শনীত ডাংকিয়ে লাভ কৰিছে ষ্টেণ্ডিং অভেশ্যন ।
শ্বাহৰুখ খানৰ ছবি ডাংকিয়ে জয় কৰিলে হৃদয় !
শ্বাহৰুখ খানৰ ছবি ‘ডাংকি’ পৰিচালনা কৰিছে ৰাজকুমাৰ হিৰাণীয়ে । দুয়োৰে একেলগে এইখন প্ৰথমখন ছবি । অৱশ্যে ইয়াৰ পূৰ্বে ৰাজুকমাৰে শ্বাহৰুখ খানক বহু ছবিৰ বাবে প্ৰস্তাৱ দিছিল, কিন্তু কিবা কাৰণত সেয়া সম্পূৰ্ণ নহ’ল ৷ শ্বাহৰুখ খানৰ ‘ডাংকি’ ছবিখনত বিকি কৌশল আৰু তাপসী পান্নুকো গুৰুত্বপূৰ্ণ চৰিত্ৰত দেখা যাব । ইয়াৰ উপৰিও বোমন ইৰাণী, বিক্ৰম কোচৰ আৰু অনিল গ্ৰ’ভাৰো ‘ডাংকি’ ছবিখনৰ অংশ । ৰাজকুমাৰ হিৰানী আৰু গৌৰী খানৰ যৌথ প্ৰযোজনা নিৰ্মিত হৈছে ডাংকি ৷