চিটাৰা ডেস্ক, 10 আগষ্ট: পাঠান মুক্তিৰ পূৰ্বে শ্বাহৰুখ খানে টুইটাৰত অবিৰতভাৱে ASK SRK চেচন কৰি থকা দেখা গৈছিল, যাতে অনুৰাগীৰ সৈতে তেওঁৰ প্ৰত্যক্ষভাৱে জড়িত হৈ থাকিব পাৰে । একে সময়তে জৱান ছবিখনৰ পূৰ্বেও একেটা চেষ্টাই কৰিছে শ্বাহৰুখ খানে ৷ অভিনেতাগৰাকীয়ে প্ৰায়ে টুইটাৰৰ জৰিয়তে অনুৰাগীৰ সৈতে সংযোগ স্থাপন কৰে আৰু প্ৰত্যক্ষভাৱে তেওঁলোকৰ প্ৰশ্নৰ উত্তৰো দিয়ে। বৃহস্পতিবাৰে পুনৰ টুইটাৰত ASK SRK চেচন ৰাখিলে কিং খানে । প্ৰত্যেক বাৰৰ দৰে এইবাৰো তেওঁ অনুৰাগীৰ বহু প্ৰশ্নৰ উত্তৰ দিয়ে ।
এজন ইউজাৰে শ্বাহৰুখ খানক সুধিলে- কি হ’ল পাজী, আপুনি কিয় টকলা হৈছিল ? এই প্ৰশ্নৰ উত্তৰত কিং খানে কয়, "ঘৰৰ বাহিৰত শিলাবৃষ্টি হৈ আছে..ভাবিলো মই টকলা হৈ যাও আৰু সম্পূৰ্ণৰূপে শিলাবৃষ্টি উপভোগ কৰিম।" শ্বাহৰুখে এনে বহু প্ৰশ্নৰ উত্তৰ দিছে অনুৰাগীৰ।
এজন ব্যৱহাৰকাৰীয়ে শ্বাহৰুখক ক’লে যে ছাৰ, আপুনি এনেকুৱা এটা কথা ক’ব পাৰিব নে যিটো আপোনাৰ ছবিখন চোৱাৰ পিছত দৰ্শকে শিকিব পাৰিব । এই সন্দৰ্ভত কিং খানে কয়- চিনেমাখনত মহিলা সবলীকৰণক শক্তিশালীভাৱে উপস্থাপন কৰা হৈছে। তেওঁলোকক কেনেকৈ সন্মান কৰিব লাগে আৰু তেওঁলোকৰ পক্ষত থিয় দিব লাগে এই কথা এই ছবিখনৰ পৰা শিকিব পৰা যাব ।