চিটাৰা ডেস্ক, 31 আগষ্ট: বৰ্তমান ছ’চিয়েল মিডিয়াত ট্ৰেণ্ডিঙত আছে শ্বাহৰুখ খানৰ অভিনীত ছবি জৱানৰ ট্ৰেইলাৰ ৷ টুইটাৰত ট্ৰেণ্ড কৰিছে জৱান হেচটেগ ৷ এই ছবিখনক লৈ অনুৰাগীৰ মাজত বৃদ্ধি পাইছে উন্মাদনা ৷ বহুদিনৰে পৰা কিং খানে ছবিখনৰ পৰা কিস্তি কিস্তিয়ে উপহাৰ দি আহিছিল অনুৰাগীক ৷ কেতিয়াবা যদি পোষ্টাৰৰ জৰিয়তে আন কেতিয়াবা আকৌ গীতৰ জৰিয়তে ৷ কিন্তু ছবিখনৰ ট্ৰেইলাৰ মুকলি কৰা নাছিল ৷ যাৰ বাবে ছবিখনৰ ট্ৰেইলাৰক লৈ অতি ব্যাকুল হৈ পৰিছিল অনুৰাগী ৷
এতিয়া অনুৰাগীৰ আগ্ৰহ দেখি অৱশেষত 31 আগষ্টত মুকলি কৰিছে ছবিখনৰ ট্ৰেইলাৰ ৷ 31 আগষ্টৰ দিনৰ 11.58 বজাত ইউটিউভত নিৰ্মাতাই মুকলি কৰে ট্ৰেইলাৰ ৷ যাৰ বাবে উৎফুল্লিত হৈ পৰে অনুৰাগী ৷ কিন্তু ইয়াতে সমাপ্ত হোৱা নাই শ্বাহৰুখৰ অনুৰাগীলৈ উপহাৰ ৷ বৃহস্পতিবাৰে নিশা 9 বজাত শ্বাহৰুখ খানে ডুবাইৰ বিখ্যাত বুৰ্জ খলিফাত জৱানৰ ট্ৰেইলাৰ মুকলি কৰিছে ৷
দীৰ্ঘদিন ধৰি অনুৰাগীয়ে অপেক্ষা কৰি আছিল জৱানৰ ট্ৰেইলাৰৰ বাবে, কিন্তু অপেক্ষা এতিয়া শেষ হৈছে ৷ শ্বাহৰুখৰ লগতে তেওঁৰ মেনেজাৰ তথা পৰিচালক এটলীয়েও জৱানৰ ট্ৰেইলাৰ লঞ্চৰ বাবে ডুবাইত উপস্থিত হৈছে । শ্বাহৰুখ খান, নয়নতৰা আৰু বিজয় ছেঠুপথিৰ অভিনীত জৱান ছবিখন অহা ৭ ছেপ্টেম্বৰত ছবিগৃহত মুক্তি পাব । ইয়াৰ পূৰ্বে বুধবাৰে এটলী, অনিৰুদ্ধ ৰবিচন্দৰ, বিজয়, যোগী বাবু, সন্যা মালহোত্ৰা আৰু প্ৰিয়া মণি ৰাজৰ সৈতে চেন্নাইত জৱানৰ অডিঅ’ লঞ্চত শ্বাহৰুখেও অংশগ্ৰহণ কৰে ।