New Parliament: শ্বাহৰুখৰ পৰা ৰজনীকান্তলৈ, সকলোৱে নতুন সংসদ ভৱনৰ বাবে প্ৰধানমন্ত্ৰীক বিশেষভাৱে জনালে অভিনন্দন

প্ৰধানমন্ত্ৰী মোদীয়ে আজি উদ্বোধন কৰিলে ভাৰতৰ নতুন সংসদ ভৱন (New Parliament) । এই উপলক্ষে তাৰকাসকলে বিশেষভাৱে প্ৰধানমন্ত্ৰীক অভিনন্দন জ্ঞাপন কৰা দেখা যায় । বলীউডৰ পৰা দক্ষিণাত্যৰ চলচিত্ৰ উদ্যোগৰ প্ৰবীন তাৰকাসকলেও প্ৰধানমন্ত্ৰীক জনালে অভিনন্দন ।

চিটাৰা ডেস্ক, 28 মে’: আজি ভাৰতৰ বাবে এক অতি বিশেষ দিন । কিয়নো আজি দেশত নতুন সংসদ ভৱন উদ্বোধন কৰা হৈছে ৷ ভাৰতৰ প্ৰধানমন্ত্ৰী নৰেন্দ্ৰ মোডীয়ে উদ্বোধন কৰে এই নতুন সংসদ ভৱন ৷ এই উপলক্ষে প্ৰধানমন্ত্ৰী মোডীক অভিনন্দন জনোৱা তাৰকাৰ সোঁত বৈছে (Bollywood celebs on new parliament building) ।

বলীউডৰ তাৰকা শ্বাহৰুখ খান, ছানি দেউল, অনুপম খেৰ, গীতিকাৰ মনোজ মুন্তশ্বিৰ শুক্লা, অক্ষয় কুমাৰ, হেমা মালিনী, ৰজনীকান্ত, সুৰকাৰ ইলাইয়াৰাজা আৰু ছুপাৰষ্টাৰ ৰজনীকান্তৰ দৰে তাৰকাই টুইট কৰি প্ৰধানমন্ত্ৰী মোডীক অভিনন্দন জনাইছে । নতুন সংসদ ভৱনৰ ভূমি পূজনৰ পূৰ্বে ছুপাৰষ্টাৰ শ্বাহৰুখ খানে ‘গণতন্ত্ৰৰ নতুন বাসস্থান’ৰ ভিডিঅ’ টুইট কৰি প্ৰধানমন্ত্ৰী নৰেন্দ্ৰ মোডীক অভিনন্দন জনায় (Shah rukh khan tweets about parliament building)।

বলীউডৰ কিং শ্বাহৰুখ খানে নতুন দিল্লীৰ নতুন সংসদ ভৱনৰ সমৰ্থনত টুইট কৰি লিখিছে, ""আমাৰ সংবিধান ৰক্ষা কৰা, এই মহান জাতিটোৰ প্ৰতিগৰাকী নাগৰিকক প্ৰতিনিধিত্ব কৰা আৰু ইয়াৰ এজন ব্যক্তিৰ বৈচিত্ৰ্য ৰক্ষা কৰাসকলৰ বাবে কি এক আচৰিত নতুন সংসদ ভৱন । নতুন ভাৰতৰ বাবে নতুন সংসদ ভৱন...ভাৰত যুগ যুগ ধৰি চলি অহা সপোনৰ সৈতে ৷ #মোৰ সংসদ মোৰ গৌৰৱ ৷ "

কিং খানৰ এই ভিডিঅ’টো ৰিটুইট কৰি প্ৰধানমন্ত্ৰী মোদীয়ে লিখিছে, ‘সুন্দৰ প্ৰকাশ ! নতুন সংসদ ভৱন গণতান্ত্ৰিক ক্ষমতা আৰু প্ৰগতিৰ প্ৰতীক । ই পৰম্পৰাৰ সৈতে আধুনিকতাৰ সংমিশ্ৰণ ঘটায় ।’

ইয়াৰ পিচতে অক্ষয় কুমাৰে নতুন সংসদ ভৱনৰ ভিডিঅ’ৰ লগতে এটা মন চুই যোৱা বাৰ্তা পোষ্ট কৰে (Akshay kumar message for PM Modi)। আনন্দৰে অভিনেতাগৰাকীয়ে কুমাৰে এই ভৱিষ্যৎ ভৱনটোক ভাৰতৰ সমৃদ্ধি আৰু উন্নতিৰ চিৰস্থায়ী প্ৰতিনিধিত্ব বুলি উল্লেখ কৰে ।

ছুপাষ্টাৰ ৰজনীকান্ত আৰু সংগীত সুৰকাৰ ইলাইয়াৰাজাইও অভিনন্দন জ্ঞাপন কৰে । ইলাইয়াৰাজাই এটা বিবৃতি লিখি নিজৰ আনন্দৰ ভাগ বতৰা কৰে । ভাৰতক উন্নীত কৰাৰ দৃষ্টিভংগী থকাৰ বাবে আৰু সেই উদ্দেশ্য সাধনৰ বাবে নিজৰ নাগৰিক কৰ্তব্য পালন কৰাৰ বাবে তেওঁ প্ৰশংসা কৰে প্ৰধানমন্ত্ৰী মোডীক ।

একেটা বিষয়তে ৰজনীকান্তে লিখিছে, ‘শক্তিৰ পৰম্পৰাগত তামিল প্ৰতীক—ৰাজদণ্ড—ভাৰতৰ নতুন সংসদ ভৱনত জিলিকি উঠিব । দেশবাসীক গৌৰৱান্বিত কৰা সন্মানীয় ভাৰত প্ৰথম @narendramodi ক গভীৰ কৃতজ্ঞতা জ্ঞাপন কৰিলোঁ ।

লগতে পঢ়ক:New parliament building inauguration: নতুন সংসদ ভৱন উদ্ধোধন প্ৰধানমন্ত্ৰী নৰেন্দ্ৰ মোডীৰ