চিটাৰা ডেস্ক, 28 মাৰ্চ: বলীউডৰ ‘বাদশ্বাহ’ বৰ্তমান সকলোৰে বাবে হৈ পৰিছে ‘পাঠান’ । বিশ্বজুৰি 1000 কোটিৰো অধিক উপাৰ্জন কৰি হিন্দী ছবিজগতত ইতিহাস ৰচনা কৰিছে কিং খানৰ ‘পাঠান’ ছবিখনে । শ্বাহৰুখ খানৰ যাদু পুনৰ এবাৰ চলিবলৈ আৰম্ভ কৰিছে বলীউডত জগতত (Shah Rukh Khan new car)।
শেহতীয়াকৈ ছুপাৰষ্টাৰগৰাকীৰ বিষয়ে পোৱা গৈছে এটা খবৰ ৷ ছুপাৰষ্টাৰগৰাকীৰ বিলাসী বাহনৰ তালিকাত আন এখন বিলাসী বাহন সংযোজন কৰা বুলি জানিব পৰা গৈছে । তথ্য অনুসৰি, শ্বাহৰুখ খানে ক্ৰয় কৰিছে এখন ৰ’লছ ৰয়েচ কুলিনন ব্লেক বেজ এছ ইউ ভি বাহন ৷ কিন্তু এই বাহনখনৰ মূল্য জানিলে আচৰিত হৈ পৰিব আপুনি ৷ ভাৰতত এই বাহনখনৰ মূল্য ১০ কোটি টকা বুলি কোৱা হৈছে (Shah Rukh Khan buys 10cr Rolls Royce) ।
বাহন ক্ৰয় কৰি ভাল পাই কিং খানে
শ্বাহৰুখ খানৰ ইতিমধ্যে কেইবাখনো বিলাসী বাহন আছে ৷ য’ত আছে বিএমডব্লিউ, অ’ডি, মাৰ্চিডিজ বেঞ্জ, লেণ্ড ৰেঞ্জ ৰভাৰ, ফেণ্টম ড্ৰপহেড ক’পে, ইলেক্ট্ৰিক বিএমডব্লিউ i 8, হুণ্ডাই চেণ্ট্ৰ’, ক্ৰেটা, টয়টা লেণ্ড ক্ৰুজাৰ, মিটছুবিচি পজেৰো আৰু বিএমডব্লিউ ৬ ছিৰিজ । মুঠৰ ওপৰত বাহন ক্ৰয় কৰি ভাল পায় শ্বাহৰুখ খানে (SRK New Car) ৷ সেয়েহে, পুনৰ শ্বাহৰুখ খানে ক্ৰয় কৰিছে ৰ’লছ ৰয়ছ কালিনান ব্লেক বেজ এছ ইউ ভি নামৰ এখন নতুন বাহন । সম্প্ৰতি শ্বাহৰুখ খানৰ নতুন বাহনখনৰ ছবি আৰু ভিডিঅ’ ছ’চিয়েল মিডিয়াত তীব্ৰ গতিত ভাইৰেল হৈ পৰিছে (Rs 10cr Rolls Royce Cullinan Black Badge SUV) ।