চিটাৰা ডেস্ক, 23 মে’: বলীউডৰ ‘বাদশ্বাহ’ শ্বাহৰুখ খানৰ অনুৰাগীৰ অভাৱ নাই । দেশ-বিদেশত ক’বলৈ গোটেই বিশ্বৰ চুকে-কোণে ‘কিং খান’ৰ ফেন ফ’ল’ৱাৰ্ছ আছে ৷ শেহতীয়াকৈ শ্বাহৰুখ খানৰ এগৰাকী মহিলা অনুৰাগীৰ কথা পোহৰলৈ আহিছে, যিগৰাকী অনুৰাগী কেন্সাৰ ৰোগত আক্ৰান্ত ৷ যিহেতু মহিলাগৰাকী কেন্সাৰ ৰোগত আক্ৰান্ত সেয়াহে, মৃত্যুৰ পূৰ্বে এবাৰ শ্বাহৰুখ খানক লগ কৰিব বিচাৰে (SRK fulfills terminal cancer patient wish)।
কলকাতাত বাস কৰা এইগৰাকী লেডী ফেনে কেন্সাৰত আক্ৰান্ত হৈ জীৱনৰ শেষ দিনবোৰ গণনা কৰি আছে । শ্বাহৰুখ খানে তেওঁৰ এই ডাই হাৰ্ড ফেনৰ বিষয়ে গম পোৱাৰ লগে লগে তেওঁৰ শেষ ইচ্ছা পূৰণৰ বাবে পদক্ষেপ লয় (Shah rukh khan talks to cancer patient fan)।
ভিডিঅ’ কলযোগে মহিলাগৰাকীৰ সৈতে কথা পাতিলে কিং খানে
ছ’চিয়েল মিডিয়াত বিয়পি পৰা খবৰ অনুসৰি শ্বাহৰুখ খানে নিজৰ ব্যস্ত সময়ৰ পৰা প্ৰায় ৪০ মিনিট সময় উলিয়াই ভিডিঅ’ কলত মহিলা অনুৰাগী শিৱানীৰ সৈতে কথা পাতিছিল । ইয়াৰ লগতে অভিনেতাগৰাকীয়ে এই মহিলা অনুৰাগীগৰাকীক আৰ্থিকভাৱে সহায় কৰাৰ প্ৰতিশ্ৰুতিও দিছিল । ভিডিঅ’ কলত শ্বাহৰুখ আৰু শিৱানীৰ বক্তব্যৰ এখন ছবিও ছ’চিয়েল মিডিয়াত ভাইৰেল হৈ পৰিছে । ইয়াৰ পিচতে কিং খানৰ প্ৰশংসাত পঞ্চমুখৰ হৈ পৰে অনুৰাগী ৷