চিটাৰা ডেস্ক, 27মে’ :চলচ্চিত্ৰ পৰিচালক কৰণ জোহৰে তেওঁৰ ৫০ তম জন্মদিন অতি ধুমধামেৰে উদযাপন কৰিলে । বলীউডৰ নামী-দামী তাৰকাসকলৰ সৈতে এক বিশাল অনুষ্ঠানত কৰণ জোহৰে এইবাৰ তেওঁৰ বিশেষ দিনটো উদযাপন কৰে (Karan Johar birthday bash)। কৰণে ৰেড কাৰ্পেট পাৰি নিমন্ত্ৰিত অতিথিসকলক আদৰণি জনায় । সামগ্ৰিকভাৱে, কৰণ জোহৰে তেওঁৰ জন্মদিনৰ অনুষ্ঠানটোত কোনো ফালৰ পৰা কোনো ধৰণৰ খুঁত ৰখা নাছিল ৷ উপস্থিত অতিথিৰ মাজত কেৱল মাত্ৰ এজন মানুহৰ অনুপস্থিতি সকলোৱে অনুভৱ কৰিছিল ৷
বলীউডৰ বাদশ্বাহে দেৰিকৈ এন্ট্ৰি মাৰে বাৰ্থডে’ পাৰ্টীত ৷ দুদিনীয়াকৈ চলিছিল কৰণৰ এই বাৰ্থডে’ পাৰ্টী ৷ সকলোৱেই সাজিকাচি আহি পাৰ্টীত অংশ লৈছিলহি ৷ অহা নাছিল কেৱল শ্বাহৰুখ খান ৷ কিন্তু অৱশেষত কৰণক চাৰপ্ৰাইজ দিলে বাদশ্বাহে ৷ জন্মদিনৰ পাৰ্টীত গোপনে প্ৰৱেশ কৰিলে শ্বাহৰুখে ৷ প্ৰৱেশ কৰিয়েই ডান্স ফ্ল’ৰত নৃত্য কৰিবলৈ আৰম্ভ কৰিছিল শ্বাহৰুখে ৷ সকলোৰে দৃষ্টি আছিল শ্বাহৰুখৰ ওপৰত ৷
শ্বাহৰুখ খানৰ এই নৃত্যৰ ভিডিঅ'টো এতিয়া সামাজিক মাধ্যমত ভাইৰেল হৈ পৰিছে (Shah Rukh Khan viral video)। শ্বাহৰুখে ক'লা পোছাক পৰিধান কৰি পাৰ্টীত অংশ লৈছিল । এই ভাইৰেল ভিডিঅ'টোত শ্বাহৰুখক তেওঁৰ নিজৰ ছবি কুছ-কুছ হোতা হেৰ চুপাৰহিট গান কোই মিল গয়াত নাচি থকা দেখিবলৈ পোৱা গৈছে ৷