চিটাৰা ডেস্ক, 17 এপ্ৰিল: চলচ্চিত্ৰ জগতৰ কিং খানে ক্ৰিকেট জগতৰ ভগৱান বুলি অভিহিত মহান ক্ৰিকেটাৰ শচীন টেণ্ডুলকাৰৰ পুত্ৰ অৰ্জুনৰ বিষয়ে ক’লে এক ডাঙৰ কথা । অৰ্জুনৰ সন্দৰ্ভত শ্বাহৰুখ খানে শেহতীয়াকৈ ছ’চিয়েল মিডিয়াত শ্বেয়াৰ কৰিছে এটা পোষ্ট ৷ অভিনেতাগৰাকীৰ এই পোষ্ট সম্প্ৰতি ভাইৰেল হৈ পৰিছে ছ’চিয়েল মিডিয়াত (KKR VS MI cricket match) । এতিয়া আহিছো ঘটনাৰ মূল বিৱৰণীলৈ, কলকাতা নাইট ৰাইডাৰ্ছৰ বিৰুদ্ধে আই পি এলত আত্মপ্ৰকাশ কৰা মুম্বাই ইণ্ডিয়ানছৰ খেলুৱৈ তথা শচীনৰ পুত্ৰৰ বিষয়ে শ্বাহৰুখ খানে প্ৰশংসা কৰিছে (KKR VS MI)।
উল্লেখ্য যে, বলীউডৰ বাদশ্বাহ তথা ইণ্ডিয়ান প্ৰিমিয়াৰ লীগ ফ্ৰেঞ্চাইজি কলকাতা নাইট ৰাইডাৰ্ছৰ স্বত্বাধিকাৰী শ্বাহৰুখ খানে নিজৰ টুইটাৰ একাউন্টত এটা পোষ্ট শ্বেয়াৰ কৰি মুম্বাই ইণ্ডিয়ানছৰ খেলুৱৈ তথা ক্ৰিকেটৰ কিংবদন্তি শচীন টেণ্ডুলকাৰৰ পুত্ৰ অৰ্জুন টেণ্ডুলকাৰক প্ৰশংসা কৰি কয়, ‘‘IPL যিমানেই প্ৰতিযোগিতামূলক নহওক কিয়, কিন্তু বন্ধুৰ পুত্ৰ অৰ্জুন টেণ্ডুলকাৰক খেলপথাৰত দেখিলে আনন্দ আৰু সুখৰ কথা । অৰ্জুনলৈ শুভেচ্ছা আৰু কি গৌৰৱৰ মুহূৰ্ত শচীন তেণ্ডুলকাৰ ! বহুত ভাল !’’
দেওবাৰে কলকাতা নাইট ৰাইডাৰ্ছৰ বিৰুদ্ধে আই পি এলত আত্মপ্ৰকাশ কৰিছে অৰ্জুন টেণ্ডুলকাৰে । একে সময়তে শ্বাহৰুখ খানে পোষ্টটো শ্বেয়াৰ কৰাৰ লগে লগে অভিনেতা আৰু শচীন দুয়োৰে অনুৰাগীয়ে পোষ্টটোত মন্তব্য প্ৰকাশ কৰা দেখা যায় (Sachin Tendulkar son Arjun) ।