Sara Ali Khan Office Space: অমৰনাথ যাত্ৰাৰ পৰা উভতি আহি ছাৰা আলী খানে ক্ৰয় কৰিলে অফিচ, দাম শুনিলে আচৰিত হ’ব আপুনি

শেহতীয়াকৈ অমৰনাথ যাত্ৰা সম্পূৰ্ণ কৰি ঘৰলৈ উভতি আহিছে ছাৰা আলী খান আৰু উভতি আহিয়েই মুম্বাইত কাৰ্যালয়ৰ বাবে ক্ৰয় কৰিছে কোটি কোটি টকাৰ সম্পত্তি ।

চিটাৰা ডেস্ক, 27 জুলাই: কেদাৰনাথ ছবিৰ জৰিয়তে বলীউডত আত্মপ্ৰকাশ কৰিছিল অভিনেত্ৰী ছাৰা আলী খানে । এই ছবিখন ২০১৮ চনত মুক্তি পাইছিল । ইয়াৰ পিচত অভিনেত্ৰীগৰাকীক দেখা পোৱা গৈছিল ৰোহিত শ্বেট্টীৰ চিম্বা ছবিখনত । এই ৫ বছৰত অভিনেত্ৰীগৰাকীয়ে নিজৰ কেৰিয়াৰত বহুখিনি সাফল্য লাভ কৰিছে । লগে লগে অভিনেত্ৰীগৰাকীৰ জনপ্ৰিয়তাও যথেষ্টে বৃদ্ধি পাইছে ৷ এই উদ্যোগটোত নিজৰ উৎকৃষ্ট অভিনয়ৰে সকলোৰে প্ৰশংসা লাভ কৰিছে অভিনেত্ৰীগৰাকীয়ে। এতিয়া অভিনেত্ৰীগৰাকীৰ বিষয়ে শেহতীয়াকৈ পোৱা গৈছে এটা খবৰ যে অভিনেত্ৰীগৰাকীয়ে মুম্বাইত নতুন অফিচ ক্ৰয় কৰিছে ৷

ছাৰা আলী খানে ক্ৰয় কৰিলে অফিচৰ স্থান

শেহতীয়াকৈ মুম্বাইত কাৰ্যালয়ৰ স্থান বিচাৰি থকা দেখা গৈছিল ছাৰা আলী খানক। অৱশেষত ছাৰাই বিচাৰি পালে অফিচৰ বাবে স্থান ৷ প্ৰযোজক আৰু ৰিয়েল এষ্টেট টাইকুন আনন্দ পণ্ডিতৰ লোটাছ ডেভেলপাৰ্ছত এই স্থান ক্ৰয় কৰিছে ছাৰাই । ছাৰাৰ কাৰ্যালয়ৰ অতি ওচৰত মিডিয়া আৰু প্ৰডাকচন হাউচ ।

ছাৰাই কিমান টকাত ক্ৰয় কৰিছে এই অফিচ

উল্লেখ্য যে অভিনেত্ৰীগৰাকীয়ে এই প্ৰিমিয়াম অফিচ স্পেচত ৯ কোটি টকা খৰচ কৰিছে । বৰ্তমান এই কাৰ্যালয় নিৰ্মাণৰ কাম চলি আছে আৰু ২০২৩ চনৰ ছেপ্টেম্বৰৰ ভিতৰত সাজু হ’ব ।

অভিনেত্ৰীগৰাকীৰ ৱৰ্ক ফ্ৰণ্টলৈ যদি চাও, শেষবাৰৰ বাবে অভিনেত্ৰীগৰাকীক দেখা গৈছিল জাৰা হাটকে জাৰা বাচকে ছবিখনত। এই ছবিখনত তেওঁ অভিনেতা বিকি কৌশলৰ সৈতে অভিনয় কৰিছিল । ছবিখনত বিকি কৌশলৰ সৈতে তেওঁৰ ৰোমান্টিক কেমিষ্ট্ৰীক অনুৰাগীয়ে যথেষ্ট ভাল পাইছিল ।

এতিয়া তেওঁক আগন্তুক ছবি ‘এ ৱতন মেৰে ৱতন’ত দেখা যাব । লগতে অনুৰাগ বসুৰ ছবি মেট্ৰ’...ইন ডেজত কাম কৰা দেখা যাব । এই ছবিখনত আছে আদিত্য ৰায় কাপুৰ, ফাতিমা সানা শ্বেখ, পংকজ ত্ৰিপাঠী আৰু কংকনা সেন শৰ্মা।

লগতে পঢ়ক:Sara Ali Khan Video: 'জাৰা হাটকে জাৰা বাচকে'ৰ মুক্তিৰ পূৰ্বে ভস্ম আৰতিত অংশগ্ৰহণ ছাৰা আলী খানৰ

লগতে পঢ়ক:Sushant Singh Rajput Death Anniversary : সুশান্ত সিং ৰাজপুতৰ কথা মনত পেলাই আৱেগিক হৈ পৰিল ছাৰা আলী খান