চিটাৰা ডেস্ক, 20 নৱেম্বৰ: সদ্য মুক্তিপ্ৰাপ্ত ছবি ‘যশোদা’ৰ সফলতাক লৈ অতিকৈ সুখী অভিনেত্ৰী সামান্থা ৰুথ প্ৰভু(samantha ruth prabhu) । ছ’চিয়েল মিডিয়াত অভিনেত্ৰীগৰাকীয়ে এই সন্দৰ্ভত নিজৰ আনন্দ প্ৰকাশ কৰে(samantha ruth prabhu on Yashoda success) ।
তেওঁ সকলোকে ধন্যবাদ জনাই লিখে যে, তেওঁৰ ছবিখনে ৰাইজৰ পৰা যি মৰম লাভ কৰিছে তাৰ বাবে তেওঁ অত্যন্ত সুখী । ইয়াৰ লগতে সামান্থাই দৰ্শকক সমৰ্থনৰ বাবে ধন্যবাদ জনাই টুইটাৰত এই টুইট শ্বেয়াৰ কৰে(samantha ruth prabhu film) ।
তেওঁ লিখে, ‘প্ৰিয় দৰ্শকসকল, যশোদাৰ প্ৰতি আপোনালোকৰ প্ৰশংসা আৰু প্ৰেম মোৰ বাবে আটাইতকৈ ডাঙৰ উপহাৰ আৰু সমৰ্থন । মই আনন্দ আৰু কৃতজ্ঞতাৰে আপ্লুত হৈছো আৰু ছবিগৃহত আপোনালোকৰ হুইচেল আৰু আনন্দ-উল্লাসৰ ধ্বনিয়ে যশোদাৰ দলটোৱে কৰা কঠোৰ পৰিশ্ৰমৰ মূল্যকে প্ৰমাণ কৰে ।' ইয়াৰ লগতে তেওঁ নিজৰ আনন্দ প্ৰকাশ কৰি ছবিখনৰ সৈতে জড়িত সমূহ কলা-কুশলী তথা ছবিখনৰ সৈতে জড়িত আন আন লোকসকলকো ধন্যবাদ জ্ঞাপন কৰে ৷