চিটাৰা ডেস্ক, 1 ডিচেম্বৰ: বলীউডৰ অন্যতম প্ৰতিভাৱান অভিনেতা বিকি কৌশল । বৰ্তমান অভিনেতাগৰাকী তেওঁৰ ছবি ‘ছেম বাহাদুৰ’ৰ বাবে বাতৰিৰ শিৰোনাম দখল কৰিছে । ৰণবীৰ কাপুৰৰ ‘এনিমেল’ৰ লগতে আজি চিনেমাগৃহত মুক্তি পালে বিকি কৌশল অভিনীত ছবি ছেম বাহাদুৰ ৷ এই দুয়োখন ছবি বছৰটোৰ আটাইতকৈ প্ৰত্যাশিত ছবি । এনিমেলে দৰ্শকৰ পৰা প্ৰচণ্ড সঁহাৰি লাভ কৰাৰ বিপৰীতে ‘ছেম বাহাদুৰ’কো যথেষ্ট প্ৰশংসা কৰা হৈছে । ‘ছেম বাহাদুৰ’ত বিকি কৌশলৰ অভিনয়ে দৰ্শকৰ হৃদয় চুই গৈছে । এতিয়া অনুৰাগীয়ে ছ’চিয়েল মিডিয়াত ছবিখনৰ ৰিভিউ শ্বেয়াৰ কৰিবলৈ আৰম্ভ কৰিছে । এই প্ৰতিবেদনত জানো আহক দৰ্শকে কেনে পালে ছবিখন ৷
ছ’চিয়েল মিডিয়াত ‘ছেম বাহাদুৰ’ক প্ৰশংসা কৰিলে অনুৰাগীয়ে
আজি ছবিগৃহত মুক্তি লাভ কৰিছে ‘ছেম বাহাদুৰ’ । মেঘনা গুলজাৰৰ পৰিচালনাত নিৰ্মিত এই ছবিখনে দৰ্শকৰ পৰা লগতে বহু চেলিব্ৰিটিৰ পৰাও ইতিবাচক সঁহাৰি লাভ কৰিছে । ছ’চিয়েল মিডিয়াত ছবিখনক দৰ্শকে প্ৰশংসা কৰাৰ লগতে ছবিখনক ব্লকবাষ্টাৰ বুলিও অভিহিত কৰিছে । এজন ব্যৱহাৰকাৰীয়ে লিখিছে, বহুত ভাল ! বিকি কৌশল, ডাঙৰ ব্লকবাষ্টাৰ হ’ব ।”