চিটাৰা ডেস্ক, 3 ডিচেম্বৰ: বলীউডৰ নৃত্য পৰিচালক মুদাছাৰ খানক চিনি পাই নে ? নিশ্চয় চিনি পাব ৷ কিয়নো মুদাছাৰে ছলমান খানৰ ছবি ‘ৰেডী’ৰ ধিংকা-চিকা গীতটিৰ নৃত্য পৰিচালনা কৰিছিল । ইয়াৰ উপৰিও তেওঁ ডান্স ৰিয়েলিটি শ্ব’ ডি আই ডিৰ বিচাৰক হিচাপেও কাম কৰি আহিছে । বৰ্তমান মুদাছাৰ খানে জীৱনৰ এক নতুন অধ্যায় আৰম্ভ কৰিছে । নৃত্য পৰিচালক ৰিয়া কিশনচন্দনীৰ সৈতে বিবাহপাশত আৱদ্ধ হৈছে মুদাছাৰ । মুদাছাৰ খানে বিয়াত পালে এক বিশেষ উপহাৰ । ছুপাৰষ্টাৰ ছলমান খানে চেলিব্ৰিটি অতিথি হিচাপে অংশগ্ৰহণ কৰিছিল এই বিয়াত । ভাইজানে বিয়াৰ অনুষ্ঠানটোত এনে এক গ্ৰেণ্ড এন্ট্ৰি কৰে যে সকলোৱে ভাইজানকে চাই থাকে । ইয়াৰ ভিডিঅ’ ছ’চিয়েল মিডিয়াত ভাইৰেল হৈ পৰিছে ।
মুদাছাৰ খান এই উদ্যোগটোৰ এজন জনপ্ৰিয় নৃত্য পৰিচালক । ছলমান খানকে ধৰি বহু চেলিব্ৰিটিৰ সৈতে কাম কৰিছে মুদাছাৰে । সেয়েহে, অভিনেতাগৰাকীৰ বিয়াত অতিথি হিচাপে অংশগ্ৰহণ কৰে ছলমান খানে ৷ ক’লা চাৰ্ট আৰু পেণ্ট পৰিধান কৰি বিয়াৰ অনুষ্ঠানত উপস্থিত হয় ছুপাৰষ্টাৰগৰাকী । ইফালে ক’লা শ্বিমাৰ শ্বেৰৱানী পৰিধান কৰা মুদাছাৰে ছলমানক আদৰিবলৈ সাবটি ধৰে । মুদাছাৰে ভিডিঅ’টোৰ স্ক্ৰীণশ্বট শ্বেয়াৰ কৰি ছলমান খানক বিয়ালৈ অহাৰ বাবে ধন্যবাদ জনায় ।