চিটাৰা ডেস্ক, 3 আগষ্ট: বলীউডৰ ছুপাৰষ্টাৰ ছলমান খানে নিজৰ ভগ্নী অৰ্পিতা খান শৰ্মাক যথেষ্ট মৰম কৰে ৷ আজি ছলমান খানৰ মৰমৰ ভনীয়েকৰ জন্মদিন । এই বিশেষ দিনটোত বৃহস্পতিবাৰে ছলমান খানে ছ’চিয়েল মিডিয়াত ভগ্নী অৰ্পিতা খান শৰ্মাক বিশেষভাৱে জন্মদিনৰ শুভেচ্ছা জনাইছে ।
ছলমান খানে ইনষ্টাগ্ৰামত নিজৰ আৰু কনিষ্ঠ ভগ্নী অৰ্পিতাৰ এখন থ্ৰ’বেক ছবি পোষ্ট কৰিছে ৷ ছবি পোষ্ট কৰি কেপচনত হাঁহি আৰু ৰঙা হৃদয়ৰ ইমোজিৰে হেপি বাৰ্থডে লিখিছে ভাইজানে । ছবিখনত ছলমানক অৰ্পিতাৰ সৈতে দেখা গৈছে যে ক’লা প্ৰিণ্টেড চামৰাৰ জেকেট পৰিধান কৰা অৱস্থাত, যিটো তেওঁ বগা টি-চাৰ্ট আৰু ডেনিমৰ সৈতে সাজিছিল কৰিছিল । একে সময়তে অৰ্পিতাই ভায়েকৰ আঙুলি মুখত লৈ থকা দেখা গৈছে । বগা ফ্ৰক পৰিধান কৰা অৰ্পিতাক ফটোখনত মৰমলগা দেখা গৈছে ।
ছলমান খানে পোষ্ট কৰা ফটোখনক লৈ অনুৰাগীয়ে প্ৰকাশ কৰিছে প্ৰতিক্ৰিয়া । ভাইজানৰ এই পোষ্টটোৰ ওপৰত মন্তব্য কৰি অভিনেতা ৰনিত বোসৰয়ে জন্মদিনৰ শুভেচ্ছা জনায় । তেওঁ লিখিছে, ‘‘তেওঁ বৰ মৰমলগা। জন্মদিনৰ শুভেচ্ছা থাকিল অৰ্পিতা ।’’ অভিনেত্ৰী ভাগ্যশ্ৰীয়েও জন্মদিনৰ শুভেচ্ছা জনাইছে অৰ্পিতাক ৷ ভাগ্যশ্ৰীয়ে লিখিছে-Awwww জন্মদিনৰ শুভেচ্ছা জনালোঁ @arpitakhansharma ৷ আন অনুৰাগীসকলেও ছুপাৰষ্টাৰগৰাকীৰ মৰমৰ ভগ্নীগৰাকীক জন্মদিনৰ শুভেচ্ছা জ্ঞাপন কৰিছে ।