চিটাৰা ডেস্ক, 7 মাৰ্চ: আজিৰে দেশজুৰি উদযাপন কৰা হৈছে ৰঙৰ উৎসৱ ফাকুৱা ৷ ফাকুৱা উপলক্ষে ইতিমধ্যে দেশজুৰি বিৰাজ কৰিছে উখল-মাখল পৰিৱেশ ৷ ফাকুৱাৰ বাবে সামাজিক মাধ্যমত বিভিন্ন জনে শুভেচ্ছা জ্ঞাপন কৰি পোষ্ট কৰিছে ৷ এইক্ষেত্ৰত ব্যতিক্ৰম নহয় বলীউডৰ অভিনেতা-অভিনেত্ৰীসকলো ৷ শেহতীয়াকৈ বলীউডৰ ভাইজান তথা বলীউডৰ ছুপাৰষ্টাৰ ছলমান খানে নিজৰ অফিচিয়েল ইনষ্টাগ্ৰাম একাউণ্টত ৰঙৰ উৎসৱ ফাকুৱা উপলক্ষে অনুৰাগীসকলক শুভেচ্ছা জনায় (Salman Khan wishes holi )।
নিজৰ এখন ফটো পোষ্ট কৰি সকলোকে ছলমান খানে হোলীৰ শুভেচ্ছা জ্ঞাপন কৰিছে (Holi festival 2023) ৷ অভিনেতাগৰাকীয়ে ধূসৰ ৰঙৰ টি-চাৰ্ট আৰু বাদামী ৰঙৰ টুপী পিন্ধি থকা দেখা গৈছে ফটোখনত । ছবিখন শ্বেয়াৰ কৰি ৫৭ বছৰীয়া অভিনেতাগৰাকীয়ে লিখিছে- "Wishing ev1 a very Happy Holi ৷"
ইফালে অভিনেতাগৰাকীয়ে নিজৰ ছবিখন সামাজিক মাধ্যমত শ্বেয়াৰ কৰাৰ পিচতে তেওঁৰ অনুৰাগীসকলে বিভিন্ন মন্তব্য প্ৰকাশ কৰে । ছবিখনক লৈ প্ৰতিক্ৰিয়া প্ৰকাশ কৰি এজন ব্যৱহাৰকাৰীয়ে মন্তব্য কৰে যে, “হেপি হোলী ছলমান ছাৰ ।” আন এজনে আকৌ লিখিছে, "MEGASTAR।" আন গৰাকীয়ে লিখিছে, "আপোনাৰ দৰে ভাল কোনো হ’ব নোৱাৰে ভাইজান .. শুভ হোলী" । তিনিটা হাৰ্ট ইমোজিৰে ছলমানৰ এজন অনুৰাগীয়ে মন্তব্য কৰে, "লাভ ইউ ভাই"৷