চিটাৰা ডেস্ক, 1 জুন: বলীউডত আধিপত্য স্থাপন কৰা তিনি খান হৈছে ছলমান খান, শ্বাহৰুখ খান আৰু আমিৰ খান । একপ্ৰকাৰে ক’ব গ’লে বলীউডত ৰাজত্ব আছে এই তিনি খানৰ ৷ যিখন ছবিত এই তিনি খান থাকে, সেইখন ছবি সফল হোৱাটো নিশ্চিত বুলি গণ্য কৰা হয় । এই তিনিজন খানৰ মাজত সম্পৰ্কও বহুত ভাল । কিন্তু শেহতীয়াকৈ আহিছে এটা চাঞ্চল্যৰ খবৰ ৷ খবৰ অনুসৰি আমিৰ খানৰ ছবিত অভিনয় কৰিবলৈ অস্বীকাৰ কৰিছে ছলমান খানে (Salman khan Rejected Aamir khans Film) ।
আমিৰ খানৰ ছবি কিয় নাকচ কৰিলে ছলমান খানে ?
ঘটনাৰ সবিশেষ অনুসৰি আমিৰ খানে স্পেনিছ ছবি ‘কেম্পিয়নছ’ৰ' (Campeones) হিন্দী ৰিমেক কৰি আছে আৰু ছবিখনৰ নাম হৈছে ‘চেম্পিয়ন’ । চলিত বৰ্ষৰ আৰম্ভণিতে ছবিখনৰ প্ৰযোজক আমিৰ খানে মুখ্য চৰিত্ৰৰ বাবে ছলমানৰ কাষ চাপিছিল বুলি খবৰ ওলাইছিল । কিন্তু এই ছবিখনৰ প্ৰস্তাৱ নাকচ কৰিছে ছলমানে (List of hit movies rejected by Salman Khan)।
বিগ বছ ১৭ ৰ বাবেই নাকচ কৰিছে আমিৰৰ ছবি ?
শেহতীয়া বাতৰি অনুসৰি, আৰ এছ প্ৰসন্নৰ পৰিচালনাত আমিৰৰ সৈতে কাম কৰি ছলমান যথেষ্ট উৎসাহিত হৈছিল (Salman rejected Aamir Khans film)। কিন্তু ব্যস্ততাৰ বাবে ছলমান খানে ছবিখনৰ বাবে অস্বীকাৰ কৰিবলগীয়া হৈছিল । ইতিমধ্যে ছলমানৰ হাতত আছে টাইগাৰ ৩, টাইগাৰ বনাম পাঠান স্পাই ইউনিভাৰ্ছ আৰু কিকৰ ছিকুৱেল । ইয়াৰ উপৰিও এই বছৰ বিগ বছ অ’টিটি ২ আৰু বিগ বছ ছিজন ১৭ সঞ্চালনা কৰিব ভাইজানে (Salman Khan rejected Aamir Khans film offer)।