চিটাৰা ডেস্ক, 12 নৱেম্বৰ: অৱশেষত আহিল সেই মুহূৰ্ত যাৰবাবে ভাইজানৰ অনুৰাগীসকলে আগ্ৰহেৰে অপেক্ষা কৰি আছিল । আজি ছবিগৃহত মুক্তি পালে ছলমান খানৰ আটাইতকৈ প্ৰত্যাশিত ছবি টাইগাৰ ৩ । দীপাৱলী উৎসৱৰ সমান্তৰালকৈ দেশজুৰি টাইগাৰ ৩ মুক্তিৰো উদযাপন কৰা হৈছে । আটাইতকৈ প্ৰত্যাশিত ছবি টাইগাৰ ৩ য়ে মুক্তিৰ দিনাই এক সুন্দৰ আৰম্ভণি কৰিছে, য’ত ছলমান খান আৰু কেটৰিণা কাইফৰ স্পাই যুটি টাইগাৰ আৰু জোয়াৰ চৰিত্ৰত পুনৰ দেখা গৈছে । লগতে এতিয়া ছবিখনক লৈ অনুৰাগীৰ উন্মাদনা দেখা গৈছে ছ’চিয়েল মিডিয়াত ।
দীপাৱলী উপলক্ষে পৰ্দাত ছবিখন মুকলি পোৱাৰ লগে লগে, ছবিগৃহৰ বাহিৰত সমাগম ঘটে বহু অনুৰাগীৰ ৷ ডাঙৰ পৰ্দাত নিজৰ মৰমৰ ছুপাৰষ্টাৰগৰাকীৰ আটাইতকৈ প্ৰত্যাশিত আগমনৰ বাবে উৎসৱমুখৰ পৰিৱেশৰ সৃষ্টি কৰে অনুৰাগীয়ে ।
ছলমান খান-কেটৰিণা কাইফৰ অভিনীত ছবি টাইগাৰ ৩ ছবিগৃহত চলি থকাৰ মাজতে ছবিগৃহৰ বাহিৰত উদযাপনত ব্যস্ত হৈ পৰে অনুৰাগী । ১২ নৱেম্বৰত অৰ্থাৎ দেৱালীৰ দিনা সমগ্ৰ দেশতে টাইগাৰ ৩ ছবিখনৰ পুৱাৰ অনুষ্ঠান আৰম্ভ হয়, ইয়াৰ লগে লগে অনুৰাগীৰ উদযাপন দুগুণ হৈ পৰে ৷ ছ’চিয়েল মিডিয়াত ভাইৰেল হৈ পৰিছে অনুৰাগীৰ উদযাপনৰ ভিডিঅ’ ৷ এটা ভিডিঅ’ত অনুৰাগীসকলে ঢোলৰ তালে তালে একেলগে নৃত্য কৰা দেখা গৈছে, পটভূমিত ছলমান খানৰ এটা ওখ বেনাৰ সজোৱা ইছিল ।